7.4. ALTZÜRÜKÜ
<ENTZUTEKO EGIN HEMEN KLIK>Khurloak (lertxunak) jakile
Iduri luke testu honetan aipatu gertakaria Zuberoan agitu zela eta ez hain aspaldi. Baina Aintzinateko idazle batek (Akitaniakoa ahatik) jadanik ematen zuen kontu baten oihartzuna dugu hemen: gizon bat nork hil zuen nolabait salatzen dute zeruan pasatzen diren khürlo edo lertxun deitutako hegaztinek.
Entzuleak kontuan har beza ere inkestaren testingurua. Lekukoek Etxahun-Barkoxek 1854ean ondu "Amodio gati" kantorea aipatu dute eta kantore horren pertsonaiak diren Etxandi eta Iraxibau izenak ematen dituzte.
2 LEK.: Etxandi, eta bestia nur zen?
INK.: Ba zen Etxandi eta hua Mendikotan etzen.
2 LEK.: Ez, Gotañeko Iraxibau.
INK.: Etxandi hilik edo?
2 LEK.: Etxandi hilzali eta Iraxibau hilik.
1 LEK.: Badakizie nunti atzaman zien hura? Hil atz…
2 LEK.: Ez hoi, ez hoi hoi hoi jin ziozün geo, beste bat…
1 LEK.: Ah! Gaindañeko istoia eta.
2 LEK.: Ez, ez, ez, Etxandin eta Iratxibauena geo, haek atzeman zizün.
1 LEK.: Ba bena beste batek, atzaman zizien.
2 LEK.: Ah bai.
1 LEK.: Gaindañen züzün hua eta zea.
2 LEK.: Zuñ erran nahi ordin, zuñ erran nahi düzü?
1 LEK.: Hil abantzü zen gizona eta khürloak igaiten ziren gañen eta erran zon: - "Zik ene jakile zirateke!" eta hantik urthiaen bürian boogatzen tü ehuak igaiten eta: - "Bazuzte zeaen", haik ehuan, "haen jakilik bazuzte oai", erran zin eta hartaik atzaman zien.
INK.: Nola nola nola? eztut…
2 LEK.: Soizü: eho zizün batak bestia.
INK.: Garindañen.
2 LEK.: Gaindañen eta hil beh..
INK.: Hiltzen ari zenak.
2 LEK.: Hiltzen ai zenak erran zizün khürluk igaiten beitziren: - "Zik ziateke ene jakile!" eta geo hantik eta urthiaen bürian arra entzün zitzün eta geo: - "Khürluak entzüten tützie?" Eta hiltzale haek: - "To badutzak oai zeaen jakilik!".
1 LEK.: Bai.
INK.: Bere buria saldu?
2 LEK.: Bee büia.
1 LEK.: Bee büia salatü zin hartaik.
ziozün |
zitzaion + zuka |
garindañe, Mendikota |
Zuberoko herriak |
abantzü |
kasik, ia ia |
gañen |
gainean |
zon |
zoon, zion |
zik |
zuek |
jakile |
lekuko, testimonio |
zirateke |
izango zarete (geroaldi trinkoa) |
boogatzen |
borogatzen, sumatzen, hautemaiten |
bazuzte |
bazoazte |
zeaen |
zeraren (zera = hil izan zen gizonaren izenaren ordezkoa) |
ehuak |
arramantzak, zaratak, harrabotsak |
eho |
hil (nork-nor) |
hiltzale |
ehaile, hil duena (hemen ez du baitezpada ohitura adierazten) |
badutzak |
badoaz + toka |