Plazaberri

Martxoaren 17an egin zen Jose Irazu Garmendia "Bernardo Atxaga" euskaltzainaren sarrera ekitaldia, Asteasuko Usarrabi kiroldegian. Juan Mari Lekuona zenaren lekua beteko du Atxagak Euskaltzaindian. Ekitaldiaren amaieran, Andres Urrutia euskaltzainburuak euskaltzain osoa dela adierazten duen diploma eta zortzigarren zenbakia duen domina eman zizkion. Domina hau izan duten aurretiko euskaltzainak hauek dira: Intzagarai, Manuel Lekuona eta Juan Mari Lekuona.

Iñaki Amenabar alkatearen ongietorria

Andres Urrutia euskaltzainburuaren agurra

Jose Irazu, "Bernardo Atxaga": Antzarak, zenbakiak eta letrak

Xabier Kintana: Ekintzailearen laudorioa

Argazkiak

Martxoaren 12an, Euskaltzaindiaren Bilboko egoitzan 2006ko Resurreccion Maria Azkue Literatur Sariak banatu ziren.

Hauxe dugu aurtengo edizioan izan den partaidetza kopurua:

• A mailan, narrazioan: 60 lan.
• A maila, olerkian: 39 lan.
• B maila, narrazioan: 86 lan.
• B maila, olerkian: 94 lan.

Informazio gehiago

Martxoaren 16an, Elhuyar Fundazioaren egoitzan, elkarlanerako hitzarmena sinatu zuten Euskaltzaindiak eta Elhuyar Fundazioak. Fundazioaren izenean Jose Mari Rodriguez Ibabe Elhuyar Fundazioko lehendakariak sinatu zuen eta Euskaltzaindiarenean Andres Urrutia euskaltzainburuak. Hitzarmenak hiru urteko iraupena izango du.

Martxoaren 30ean egingo du Euskaltzaindiak osoko batzarra, Donostian.