Plazaberri

Azaroaren 23an, XI. Jagon Jardunaldiak egin zituen Euskaltzaindiak, Bilboko egoitzan, "Euskararen Legea, 25 urte Euskal Autonomia Erkidegoan" gaiaz. Sabino Arana Fundazioarekin batera antolatutako jardunaldi horretan, eta 10/1982 Euskararen Erabilera Normalizatzeko Oinarrizko Legearen 25. urteurrenaren karietara, arlo ezberdinetako hausnarketa bultzatu nahi izan zuen Akademiak: legea onartu zeneko giro historiko, sozial eta politikoa, bai eta ordutik hona euskarak izan duen garapena ere. Azkenik, Euskal Herriko beste lurraldeen ikuspegia ere adierazi zuten Ipar Euskal Herriko eta Nafarroako ordezkariek.

Juan Mari Atutxa: agur hitzak

Andres Iñigo: Jardunaldien aurkezpena

Argazkian: Juan Mari Atutxa, Andres Urrutia eta Andres Iñigo

• Legearen ikuspegi historiko, sozial eta politikoa
  

  Joseba Intxausti

  Jose Luis Lizundia

  Argazkian: Joseba Intxausti, Andres Iñigo eta Jose Luis Lizundia
  
  
  

• Legea onartu zenetik hona, euskarak izan duen garapenaz
  

  Gotzon Egia

  Anaje Narbaiza

  Argazkian: Gotzon Egia, Anaje Narbaiza eta Manu Ruiz Urrestarazu

  
  

Mikel Zalbide

Julian Beloki

Andoni Sagarna

Argazkian: Mikel Zalbide, Andoni Sagarna, Ana Toledo eta Julian Beloki

• Euskal Herriko beste lurraldeen ikuspegia
  

  Sagrario Aleman

  Erramun Baxok

  Argazkian: Sagrario Aleman, Jean-Baptiste Coyos eta Erramun Baxok.

  
  

• Ondorioak
  

  Erramun Osa

  Argazkian: Juan Mari Atutxa, Andres Urrutia eta Erramun Osa

XI. Jardunaldien barruan, Akademiaren Jagon bildumaren 5. liburukia aurkeztu zen, hots, Hizkuntza-zuzenbidea. Testu-bilduma euskaraz izenekoa. Liburua Euskaltzaindiaren Jagon Sailaren Sustapen batzordeak paratu du eta Eusko Jaurlaritzaren Hizkuntza Politikarako Sailburuordetzaren laguntzaz argitaratu da. Hizkuntza-zuzenbidearen arloan nazioarteko testu garrantzitsuen bilduma eskaintzen du liburuak.

Andres Iñigo

Andres Urrutia

Liburuaren aurkibidea

Argazkian: Patxi Bastarrika, Andres Urrutia eta Andres Iñigo

Liburuaren aurkezpenaren ostean, duela 25 urte Euskararen Legea ondu zutenei diploma bana eman zitzaien. Andres Urrutia euskaltzainburuak, Juan Mari Atutxa Sabino Arana Fundazioko lehendakariak eta Patxi Baztarrika Hizkuntza Politikarako sailburuordeak banatu zituzten. Diplomak hau dio: "Euskararen erabilera normalizatzeko 10/82 Oinarrizko Legeak 25 urte bete dituen honetan, lege hori ontzen aritu ziren andre-gizonak omendu nahi ditugu. Har ezazu diploma hau, egin zenuen lanaren aitorpen eta esker onez. Bilbon, 2007ko azaroaren 23an."

Omendu hauei eman zitzaien diploma eskura: Inmaculada Boneta, Ramon Labaien, Jose Luis Lizundia eta Jose Antonio Maturana. Ekitaldira etortzerik izan ez zuten Pedro Miguel Etxenike, Alberto Ansola, Alfredo Marco Tabar eta Jon Olaberria jaunei heleraziko zaie diploma. Azkenik, Joaquin Maria Aginaga, Santiago Griñó y Rabert eta Jose Antonio Zaldua zenduak ere gogoan izan ziren. Omenduen izenean, esker oneko hitzak esan zituen Ramon Labaienek.

Argazkian: J.L. Lizundia, J.A. Maturana, I. Boneta eta R. Labaien.

Argazkiak

Diplomak banatu ostean, Jose Luis Lizundiak zenbait dokumentu historikoren dohaintza egin zion Euskaltzaindiari: hala nola,

1. Euskararen Legearen Parlamentuko eztabaida, negoziaketa, emendakinak, oharrak eta hemeroteka.
2. Auzitegi Konstituzionaleko auzi, alegazio eta beste.
3. Hizkuntza minoritario zenbaiten legeria eta agiriak.
4. 1983ko HABE legearekiko dokumentazioa. Dokumentu guztiak Andres Urrutia euskaltzainburuak jaso zituen.