Euskaltzaindiak, otsailaren 29an, Bilbon egin zuen batzarrean, hau erabaki zuen.
Exonomastika. "Europako eskualde historiko-politiko nagusiak" araua osatuko duen 4. zerrenda (Baltikoko kostaldeko lurraldeak: Finlandia, Estonia, Letonia, Lituania eta Polonia) onartu zen.
Bestalde, arau horren 5. zerrenda (Erdialdeko Europako lurraldeak: Txekia, Eslovakia, Hungaria, Errumania eta Moldavia) aurkeztu zen, eta sortu berri den Kosovoko estatu izena eta herritarrena, hots, "jentilizioarena" arautzeko proposamena.
Otsailaren 29an, Euskaltzaindiak ageriko bilkura egin zuen Bilboko egoitzan, azken urtean hil diren ondoko euskaltzainak omentzeko:
Patxi Zabaletak irakurri zuen Jose Manuel Lasarte euskaltzain urgazlearen omenezko hilberri-txostena.
Patxi Zabaleta: Jose Manuel Lasarte
Jose Luis Lizundiak irakurri zuen Jesus Atxa ohorezko euskaltzainaren omenezko hilberri-txostena.
Jose Luis Lizundia: Jesus Atxa
Bestalde, Henrike Knörrek irakurri zuen Angel Ibisate euskaltzain urgazleak prestaturiko Ergoien-i buruzko txostena
Euskaltzain emeritoak sortu ondoren sei euskaltzain oso izendatu ditu Euskaltzaindiak 2006 eta 2007an zehar, une honetan hogeita hamar euskaltzain oso daudelarik. Horrek eragina du euskaltzainak hilero biltzen diren batzar gelan eta berriztatze eta egokitze lanak egin dira: mahaia handitu, aulkiak erosi, mikrofono-sistema osorik aldatu eta mahaian zehar ordenagailu-pantailak txertatu dira.
Leizarragaren Testamentu Berriaren ondoren, agian komenigarria litzateke arreta apur bat jartzea euskarazko bigarren liburu enblematikoenari, Axularren Gero-ren lehen edizoa (1643koa). Gogora dezagun ale gutxiago ezagutzen ditugula eta, gainera, ezagutzen ditugunak egoera kaxkarragoan daudela. Irudian dagoena Lacombe bildumaren ale bat da, Salaberri kantu bildumazale mauletar ospetsuarena izana. Agian izen bereko beste axularzale baten suspergarri.
Guero: bi partetan partitua eta berecia, lehenbicicoan emaitenda, aditcera, cenbat calte eguiten duen, luçamendutan ibiltceac, eguitecoen gueroco utzteac, bigarrenean quidatcenda, eta aitcinatcen, luçamenduac utciric, bera hala, bere eguin bideari, lothu nahi çaicana / escritura saindutic, eliçaco doctor etaric eta liburu debocinozco etaric Axular Saraco errotorac vildua. -- Bordelen : G. Milanges ... imprimaçaillea baithan, 1643.
Argia astekariaren 2.126. zenbakian (2008-3-2) Pilar Iparragirrek egiten duen "Liburutegia" atalean, Euskaltzaindiak argitara emandako Hizkuntza-zuzenbidea. Testu-bilduma euskaraz liburuaren berri ematen da.
Liburua Akademiaren Jagon Sailaren Sustapen batzordeak paratu du eta Euskaltzaindiaren Jagon bildumaren 5. liburua da.
![]() Bisitatu gaituzteBizkai Euskal Folklore Elkarteak "Berrizko folklorea. Dantzari-dantza eta Soka-dantza" izeneko DVDa aurkeztu zuen (2008-II-26). |