2008 - 04 - 29 46. zenbakia
Euskaltzaindiak, apirilaren 25ean, Donostian egin zuen batzarrean, hau erabaki zuen.
- Exonomastika. "Europako eskualde historiko-politiko nagusiak" araua osatuko duen 6. zerrenda (Balkanak -Bulgaria, Jugoslavia ohia, Grezia, Albania- eta Zipre) onartu zen.
Bestalde, 7. zerrenda (Ekialdeko eslaviarrak: Ukraina, Bielorrusia eta Errusia) aurkeztu zen.
- Hiztegi Batua. E letrako zenbait sarrerari buruzko oharrak eztabaidatzen eta erabakitzen dihardu Euskaltzaindiak eta apirilaren 25eko batzarrean erabaki ziren sarreren artean bada azpimarratzeko erabaki bat, errepideen seinalizazioan izan dezakeen eraginagatik:
Apirilaren 25ean bildu zen Sustapen batzordea, Donostian, Euskaltzaindiaren Gipuzkoako ordezkaritzan. Gai bi izan ziren aztergai: kontsumitzaile eta erabiltzaileen hizkuntza-eskubideei buruzko mintegi batean partea hartzea eta XII. Jagon Jardunaldien prestaketa.
Argazkian, ezkerretik eskuinera: Andres Urrutia, Ana Toledo, Manu Ruiz Urrestarazu, Jose Luis Lizundia, Jean-Baptiste Coyos, Santiago Larrazabal, Patxi Juaristi, Erramun Baxok eta Sagrario Aleman.
Argia astekariaren 2.132. zenbakian (2008-4-13) Pilar Iparragirrek egiten duen "Liburutegia" atalean, Euskaltzaindiak argitara emandako Recuperación del Euskera en Navarra liburuaren berri ematen da.
Liburua Miquel Gros i Lladósek idatzia da eta Akademiaren Jagon bildumaren 4. liburua da.
Bestalde, 2.134. zenbakian (2008-4-27) "Liburutegia" atal berean, Pierre Broussain. Sa contribution aux etudes basques liburua aipatzen da.
Liburu honen aipamena Herria astekariak ere egiten du, 2.954. zenbakian (2008-4-24). Pierre Charrittonek idatzi du liburu hau eta Euskaltzaindiaren Euskaltzainak bildumaren 2. zenbakia da.
Azkenik, Herria astekariaren 2.954. zenbakian ere (2008-4-24) Pierre Lhande. Yolanda eta beste euskarazko idazlanak liburua aipatzen da. Jon Casenavek paratu du liburu hau eta Euskaltzaindiaren Euskaltzainak bildumaren 3. zenbakia da.
- Maiatzaren 31n, larunbata, Sagrario Aleman Astitz euskaltzain osoaren sarrera-ekitaldia egingo da Etxalekun, goizeko 11:00etan, egitarau honen arabera:
- Maiatzaren 30ean, arratsaldeko 16:00etan, egingo du Euskaltzaindiak osoko batzarra, Iruñean.
![]() Bisitatu gaituzteBilbo Zaharra euskaltegiaren eskutik, Juanjo San Sebastian mendizaleak "Ruwenzori, ilargiaren mendiak" ikus-entzunezkoa eskaini zuen, maiatzaren 24an. |