1. Txepetxa. Argazkia: Sylvain Haye.
1/Askotan esan izandu dute
gizon ikastun argiyak
nola pixtiyak izan litezken
gure erakuslariyak;
erlia da bat aipatzen dana,
o zer lan arrigarriyak
jartzen dituzten gure aurrian
onek eta txingurriyak!
Txepetxak berriz erakusten du
aiñbeste nola aik biyak.
2/ Euskal lurreko txoriyetan dan
txikitxuena da bera,
gaztañ kolore bakarrekua,
nai bada ez da ederra;
begi argiyak, buru xanpala,
moko ttenttia aurrera,
korputza motxa, anka laburrak,
xaltokako ibillera,
xalapartako egalariya
eta kantari ergela.
3/ Txotx batek aisa jasoko luke
nola karga gutxi duan,
bañan gustatzen zaio jartzia
adar sendoxiaguan;
amildu arren ez leike galdu
dakiyelako eguan,
bañan arkitzen baldin bada ere
burnizko aldamiyuan,
iru-lau aldiz xanpatutzen du
seguru ote daguan.
4/ Udaberriyan lendabiziko
kabiya txepetxarena
azaldutzen da, ta ezaguna:
goroldiyozkua dena;
arbol-gerriyan untza-tartian
du lekurik maitiena,
ta gizon askok ikusitzianv irixpirian daguena,
esan oi dute: «Zer konfiantza,
txori txar onek dubena!».
5/ Ta edozeñek esan lezake,
berari begiratzian,
arretarikan ez dadukala
egiñ leioken gaitzian;
ez-iduriyan ark kabiyari
beste zulua atzian
egiten diyo, andik joateko
aurrekoa tapatzian,
erakutsiyaz pentsa zagula
nola atera sartzian.
ZAVALA, Antonio [bizitzaren egille eta bertsoen biltzaille] (1993). Pedro Maria Otaño eta bere ingurua (I). Donostia: Auspoaren Sail Nagusia, Sendoa. (403-405).
El Thun Thun izeneko aldizkari bat ateratzen zen garai hartan Donostian, “Poetas Vascongados” izeneko sail bat zuena: orrialde batean olerkari baten karikatura, eta bestean, haren bertso batzuk. 15. zenbakian, 1894ko uztailaren 1ean, Pedro Mari Otañoren txanda izan zen: ezkerreko orrialdean haren karikatura, eta eskuinekoan “Txepetxa” izeneko bertsoak.
IKUS HAU ERE
Alkar. Otaño´tar Pedro Mariren olerki onenak, Iñaki Deunaren irakorla, Donostia, 1930.
Pedro Mari Otañoren oroimenak [eskuizkribua].
Pedro Mari Otaño Susa argitaletxearen “Literaturaren Zubitegia” webgunean.
EUZKITZE, Xabier (2010). Pedro Mari Otaño. Bidegileak bilduma. Gasteiz: Eusko Jaurlaritzaren Argitalpen Zerbitzu Nagusia, 2010.
Irudiak
Lan hau Creative Commons Aitortu Partekatu Berdin 3.0 lizentzia baten mende dago.- Koldo Mitxelena Kulturuneko Liburutegia-Gipuzkoako Foru Aldundia. https://kmk.gipuzkoa.eus/eu/liburutegia.
