Toponimia

(...)
Las Fuenticas Galipentzu, Eslaba eta Agezako mugak bat datozen alderdian hasten da, eta Gezari, Balarata, La Elka, Kaskallu eta San Juan-ekin mugatzen du. Lehen lekukoa 1730ekoa da. Bertan dauden muinoek Cantón, Cantera, edo Canterica de las Fuenticas izenekoa osatzen dute. Barranco de las Fuenticas Barranco de Balarata edo Acequia de Gezari izan zitekeen, biotako bat, alegia. 1766ko lekukotasunean badirudi azken honekin identifikatzen dela. Fuente de las Fuenticas lehengo euntze orain labakituan zegoen. Prado de las Fuenticas Camino de los Molinantes eta Cantón de las Fuenticas-en artean zegoen, Agezako bideaen ondoan. Gure ustez izen honek lehenagoko Artaxogoiena ordezkatu zuen. Ordezkapen hau bi izenok elkarren ondoan bizi ziren garai baten ondoren gertatuko zen, XIX. mendean, 1834ean izen zaharra oraindik ere bizirik zegoela bai baitakigu (ikus Artaxogoiena sarrera). Las Fuenticas izena bertako iturrixko ugariei zor zaie. Galipentzun bertan, Agezako mugan, eta auzo herri honetan ere, Las Fuenticas-en ordain euskalduna izan daitekeen Iturrieta aurkitu dugu, eta Eslaban Las Fuenticas dugu.
(...)