(...)
[-Aga atzizkia gure eskualdean] Atal honetan -aga atzizkiak gure alderdiko toponimoetan duen balioa ikusten saiatuko gara, alegia, aurreko atalean aipatu autoreek dioten moduan leku hutsa adierazten duen edo lekuarekin batera ugaritasuna, pluraltasuna ere ematen duen aditzera. Garbi dago toki-izen bat -aga atzizkiaz nahiz gabe ager badaiteke -aga-ren balioa ez dela ugaritasuna adieraztearena izanen, eta beraz honelakoetan berrekailuak oinarriari leku balioa eransten diola pentsatu beharko dugu, hots, toponimoen multzoan sailkatzea duela xede. Adibidez, udarea zuhaitza edo fruitua den bitartean, Udareaga udareondo bat edo gehiago dagoen eremua izanen da, sekulan ez zuhaitza. Gure alderdian Ø / -aga txandakatzea honako toponimo hauetan ediren dugu: Motxiturriaga / Motxiturria Agezan, Artezabalaga / Artezabalagaña, Artezabalaondoa, Artezabalgaña [Ikus, hala ere, Eslabako toponimia aztertzean izen hauetaz dioguna], Buztiñaga / Buztiña, Buztinea, Erbiñaga / Erbiña eta Santuzabalaga / Santuzabal(a) Eslaban, Arriurdinaga / Arriurdina Lergan, Udareeztiaga / Udare eztia Morionesen, Larziaga / Larzia Uxuen, Aristuziaga Uxuen / Aristuzia Galipentzun [Ikus Galipentzu]. Pare guzti hauetan, alabaina, -aga-dun aldaerak arruntagoak dira, eta Ø duten forma batzu aldi bakar batez baizik ez dira dokumentatzen. Guztiarekin ere, honelako txandakatzeak gure eskualdetik kanpo ere azaltzen dira, eta hortaz badirudi atzizkiaren funtzio bakarra, gorago esan moduan, lekua adieraztea dela, alegia, izena toponimoen multzoan sailkatzea. Orain -aga atzizkiaz horniturik dauden toponimoen herriz herriko azterketa eginen dugu, beren jatorria eta nondik norakoa hobeki ikustearren.
(...)

(...)
Izen honen etimologiaren inguruan ikus -aga-ri eskainitako atalean dioguna. Aurreneko aldiz 1602an ediren dugu. Larziaga [larzjága] Aldabea de Aitzandieta-ren goiko aldean dago, eta Aitzandieta bezala oso toki aldapatsua da. Barranco de Larziaga Barranco de Aitzandieta bera da, La Tejería-tik Fuente de la Bomba-raino. Alderdi aldapatsua izateari zor zaio 1698an edireten dugun Aldaizquia de la Arciaga delakoa. Caracierzo de Larziaga ipar-ekialdera ematen duen alderdia da, (oraingo) Carretera de la Sierra-ren azpikoa alegia, eta dokumentazioan ez aurkituagatik Carasol de Larziaga ere ibiltzen da egun, hego-mendebaldera ematen duen hegia adierazteko. Fuente de Larziaga Barranco de Larziaga edo Barranco de Aitzandieta-n dago, ardandegiaren parean, errekan. Paso de Larziaga, azkenez, Camino de Larziaga-k eta errekak elkar gurutzatzen duten puntuan dago.
(...)

(...)
[-Aga atzizkia gure eskualdean. Uxuen] Hau lar 'lahar', -tze ugaritasunezko atzizkia, eta -aga bukaeraz osaturik dagoke. Tarteko elementua, dokumentuetako alderetako -ci- alegia, Aristuziaga-n azaltzen den berbera dela uste dugu.
(...)

(...)
[-Tze, -tza atzizkiak. Uxue] Ikus -aga berrekailuari eskainitako atalean honetaz dioguna.
(...)