Leku-izenak

(...)
Meazu [meázu] latineko vena-tik atera den mea 'mineral', 'vena de mineral' eta ugaritasunezko -zu atzizkiaz osaturik dago. Galipentzutik hurbil samar dagoen Urraulbeitiko Arripodas herrian Meatza dugu [otra pieza...en el paraje llamado Eslaia teniente a senda que ba a Meaza", PRA-Irunberri, 4. k., 1712. Larraian berriz, Meaz dugu (Jimeno Jurío, TCPCC, 338. or.).], itxuren arabera mintzagai dugun Meazu-ren jatorrikide eta adierakidea dena, atzizkia formaz (baina ez esanahiz) ezberdina bada ere. Galipentzun bertan, berria dirudien (Paco de) Las Minas toponimoa daukagu, Meazu-tik hurbil (ikus sarrera hori). 1532an Meazu eta mina-ren arteko nahasketaren fruitu dirudien Minazu aurkitu dugu [PRA-Oibar, 2. k. Alfonso Irigoyen Bilbo aldeko toponimia aztertzen ari delarik honela mintzo da Meazabal toponimoaz: "Se ha citado más arriba también Meazabal, 'llana del mineral', seguramente en relación con lo que después se conoce como Mena, barrio de Abando, variante romanizante de mea, 'mineral', cuya forma carece de -n - intervocálica por pérdida de la misma entre hablantes vascos. No debe olvidarse la existencia de minas de hierro en la zona, a las cuales hacen alusión los venaqueros mencionados por Iturriza". Ikus "Bilbao y Askao, topónimos vascos de formación paralela y contrapuesta. (Area metropolitana de Bilbao-Ibaizabal)", in DRPLV-III, 297-306. orr.]. Igeltsu-meatze edo harrobiak ugariak ziren (cf., adibidez, La Minas [PRA-Kaseda, 24. k., 1772.] edo Las Minas del Yeso [Id., 1818.] Kasedan), eta ez bakarrik gure eskualdean (Tafallan Cantera de la gesera de Santa Marina, Gesera de la villa, Yesera real edo Mina de yeso de Santa Marina agertzen dira [Jimeno Jurío, THET, 191. or.]). Meazu Camino de los Molinantes-en bi aldeetan hedatzen da, El Pontarrón-etik Acequia de Balarata-raino. La Elka eta Las Ripas-ekin ere mugatzen du.
(...)