Leku-izenak

(...)
[-Di, -doi, -dui/-tui/-du atzizkia. Ageza] Honen osagaiak onbor 'enbor' eta -duia dira. Azkueren arabera [DVEF. Ikus, orobat, DEV-IV-ko Enbor sarrera] onbor iparraldeko goi-nafarreraz eta lapurteraz erabiltzen da, eta 'enbor botaia' adiera dauka. Iturenen Ombordia azaltzen da 1739an [Iturengo udal artxibategia. Bertako seme den Andrés Iñigori zor diogu informazio hau], eta herri honetan onborra, 'enborra' gabe, zuhaitza moztutakoan lurrean sartua gelditzen den zatia da, 'tocón, zoca', alegia.
(...)

(...)
Onbor 'enbor ebakia'-z eta -duia atzizki multzokariaz osaturik dago (cf. Zonbordi Getadarren [1892ko kat.], Txonbordoi Uritzen [1914eko kat.], Onbordi Iturenen [1739, Iturengo udal artxibategia. Mitxelenak "De fonética vasca. La aspiración intervocálica" (in SHLV, 190-202. orr.) izeneko artikuluan Oihenarten zumpur ematen du enbor, enpor, onbor, zunbor eta "besteren baten" jatorrizko forma bezala. FHV-n herskari belare / txistukari edo txetxekari txandakatzeaz ari dela konbor aipatzen du batetik, eta anpor, enbor, enpor, onbor, onpor, zonbor eta zunpur bestetik. Sail honetako zaharrena belaredun aldaera litzateke; hemendik bustidura adierazkorraren bidez txistukaridun aldaera aterako zen, eta honetatik azkenik, hasieran Ø duten formak], Onbordi eta Onbortegi Lesakan, Onbordiko erreka Igantzin [DTN, 116. or.], Onborduia [òmbordúya] Aezkoako mendietan, eta hauen ildokotzat jo daitekeen Goizuetako Enborretako lepoa [L.F. Echeverría Salaberría, "Goizuetako toponimia, Artikutzakoa ezik", FLV, 51, 1988, 77-118. orr.]). Gaurregun erabiltzen den Enborduia [èmbordúya] aldaera desitxuratuxea 1820an aurkitu dugu aurrenekoz, behin euskara desagertuz gero. Reta Janárizek egungo aldaeran oinarrituta toponimo honetan borda 'gortea', 'baserria' eta ugaritasunezko -doi, -dui ikusi uste du, baina dirudienez ez daki atzizki hau borda-ren eremu semantikoko izenekin ez ohi dela azaltzen borda-ren eremu semantikoko izenekin [EHZE, 479. or. Ugaritasunezko atzizkiak dituen oinarrien gainean ikus gure DAON]. Onborduia-k Arana, La Presa, Ategarate eta Balarata-rekin mugatzen du.
(...)