Leku-izenak

(...)
Egun ezezaguna den toponimo honen bi osagaiak punta 'punta', 'puntan bukaturikako mendiko edo muinoa' izena, eta zorrotza izenondoa dira, eta Lergako Munikotxorrotx-en antzeko balioa duela uste dugu (ikus sarrera hau. Ikus, orobat, Morionesko Orozki sarrera) [Bidankozen Punta de Gayarre, Punta de Landa eta beste ditugu bizirik, eta Pirinioez haraindian Urrüxtérri phüntá, Andiozgáiñ phüntá eta Burgiári phüntá ditugu Andozen (Txomin Peillen, "Andoze ibarreko leku izenak", FLV, 1991, 57, 89-105. orr.). Autore honek dioenez phünta gailur zorrotza duten mendiak izendatzeko ibiltzen da Zuberoan. Arakil-Uharten Aitzpuntatxorrotx [àicpuntachórroch] daukagu, Iturmendin punta edo puntia generiko arrunta da, goian aipatu adieraz: Itsasiko puntia, Galartzako punta... (azken hau 647'8 metroko gaina da). Aizkorben Puntamearra agertzen da 1706an (PRA-Ihabar, 63. k.), eta Irunen toki bera adieraz lezaketen Eloreguicoburua, Elorreguiburu eta Eloreguicopunta dokumentatzen dira (J. A. Loidi Bizkarrondo, "Aingeru Irigaraien oroimenez", AIO, 423-434. orr.). Pasai-San Pedron muturra-ren baliokidea den punta dugu Gurutzeko punta toponimoan (Gurutzea ere deitua): "Hemen punta dugun bezalaxe, bestetan, eta esannahiaren aldetik, baliokide, muturra aurkitzen dugu. Ikus KALPARRAKO MUTURRA" (PATO, 113. or.)]. Puntazorrotza Mendi eta Camino de Aibar-en ondoko mendiko txorrotx txikia zen.
(...)