EODA osoa

(...)
Errota izena eta zaharra izenondoa ditugu hemen. Esan bezala, izenondoak Errotaberria-tik bereiztea zuen xede. Errotazarra Iturrizarra edo La Fuente vieja eta Camino de Erbiña-ren artean dago, aipatu iturri horretatik Aragoa ugaldera jaisten den Barranco de Errotazarra-ren inguruan. Errota zaharra gaurko El Molinaz bera da, baina orain elkarren aldamenean egon arren bereizi egiten dira, eta leku-izen ezberdintzat hartzen (cf. oraingo Barrio bajo eta Libarren < Iribarren). 1775erako Dotazara bilakatua zen, eta gaurregun Botazarra [bòtazárra] [Reta Janárizek biltzen duen Mutazarra honen beste desitxuraketa (grafikoa) besterik ez da.] esaten da. Errota 1730erako hondatua zegoen, eskualdeko euskararen historia ezagutzeko baitezpadakoa den Aingeru Irigaraik aurkitu agirian ikusten den moldean: "Don José de Mateo, natural de la villa de Gallipienzo, que profesó en la Real Colegiata de Roncesvalles el 14 de septiembre de 1730, dice en el folio 2000 del inventario por él ampliado. «Del molino de Errota zarra sólo hay vestigios; el apeo q. se descubrió de heredades en Gallipienzo aún no lo hallo y quisiera encontrarlo, y aunque en la arrendación dice Galipenzu que sería en lengua vascongada, que yo he conocido a todos los viejos hablar vascuence y al maestro que fué causa se perdiese la lengua primitiva, que obró mal» De modo que en el siglo XVIII aún se hablaba vascuence en Gallipienzo" [UGDEN, 73-74. orr. Ikus Euskararen muga atala.]
(...)

(...)
Gaurko El Molinaz bera da, alegia, Errotazarra bera. Hemen, dirudienez, -ar eta -az(-o,-a) atzizkien aldizkatzea dugu (cf. Galipentzuko El Castillar / Uxueko El Castillazo).
(...)

(...)
Ikus aurreko sarrera. Gaurko El Molinaz eta Errotazarra ez dira gauza bera, eta El Barrio bajo eta Iribarren-en artean burutu den espezializazio semantikoaren antzeko bat gertatu dela esan dezakegu. Izan ere, El Molinaz ibai ertzean dago, eta lehengo errota zaharra zegoen tokia ematen du aditzera. Errotazarra berriz La Fuente vieja-tik El Molinaz-en hurbiletik ugaldera jaisten den errekastoa eta honen inguruko lurrak izendatzera igaro da (ikus Errotazarra sarrera).
(...)

(...)
El Molinar, El Molinaz edo Errotazarra bera da (ikus Iturraldea sarrera).
(...)