EODA osoa

(...)
Kanpo 'alorra' eta barrena 'behekoa', 'beherenekoa' ditugu toponimo honetan (cf. Kanpobarrena Zaren, Campo abajo Kasedan, Campobajo Kabanillasen). Izan ere, egun Kanparrena [kàmparréna] bilakatu dena udalerriaren behereneko alderdian dago, Galipentzuko mugan bertan, Balarata eta Arana-ren artean. XVI-XVII. mendeetan forma osoa azaltzen da. 1818an Kanporrena desitxuratua dugu, eta 1894eko katastroan egun indarrean dagoen forma. Reta Janárizek, oraingo aldaera desitxuratua hartzen du egiten duen etimologiaren oinarri, eta hortaz ondorio okerretara iristea ez da harritzekoa. Autore honen arabera [EHZE, 478. or.] kampa 'campo', arren 'de la' (sic) atzizkia, eta -a artikulua dira aztergai dugun honen osagaiak. Antzina Kanpobarrena bat baino gehiago zegoela irudi du, edo bakarra bazegoen gaur baino hedadura handiagoa zuen, 1592ko agiri batean ikusten denez Kanpobarrena-k Prado de Lakuaga-rekin mugatzen baitzuen, gaurregun erdian Arana (Iturrieta edo Ardantzebarrenetakoiturrieta ere bai, lehen) eta Txipueta sartzen diren bitartean [Oker baten aitzinean ere egon gaitezke, honelakoak ugariak ez badira ere]. Galipentzuko Pollungu-rekin ere muga egiten zuen [Gaztelaniazko entrada-ren euskal ordainaz ikus Eslabako Kalboren korralesarraldea sarrera]. Kanpobarrena-k orain Arana, Onborduia eta Balarata-rekin mugatzen du.
(...)