EODA osoa

(...)
Camino de Usobidea bera zen. Errepidea-tik Balarata-n barrena zihoan (ikus Agezako bereko Balarata eta Eslabako Errepidea eta Camino de Abaiz a Sangüesa sarrerak).
(...)

(...)
Gaurko Camino de Usobidea (Sobedea [sòbedéa] ebakitzen da) dokumentazioko Camino de Ujué bera da. Egun Errepidea-ko Gezariportillua-n bukatzen da, baina antzina Portillo de Balarata dagoen eta Eslabako Errepidea-ren luzapena den errege bidera atera behar zuen. Hemendik aipatu auzo herri horretako Errepidea edo Camino de Tafalla-tik Epaiz aldera joango ziren, eta despoblatutik, Eslabako Uxubidea-tik zetozenekin bat egindakoan, Uxueko lurretan sartuko ziren, herri honen eta Epaizen arteko Facería-tik (ikus Uxueko Camino de Eslava sarrera). Zernahi gisaz, agezarrak azken hamarkadetan [1915ean sortua den José Egea jaunak ez du gaurkoaz beste biderik ezagutu, eta beraz oraingoa aspaldixkoa dela esan dezakegu] ez dira bide honetatik joaten Uxuera; Camino de Eslava-tik auzo herrira joaten dira, eta Eslabatik Epaiza. Antzina, ordea, Usobidea Zangozatik Epaiza zihoan bidearekin elkartzen zela dirudi.
(...)