EODA osoa

(...)
[-As/-az, -es/-ez, -iz, -os/-oz, -us bukaerak. Uxue] Ez dugu sekulan dokumentazioan aurkitu, eta itxura erromantze garbia dauka, bukaerako -os horrek nahasketarako bide ematen badu ere. Gure irudiz baliteke erdarazko medio 'erdikoa' izatea, bere kokalekuak etimologia hori ahalbideratzen duenez. Edozein moduz, azentua lehen silaban darama ([médjos] ebakitzen da).
(...)

(...)
Izen honen bukaera ikusita Beskos eta Otrollos-ekin (eta apika Bigas eta Mostrakas-ekin) erlazionaturik dagoela kontu egin daiteke. Guztiarekin ere, aitortu beharra dago itxura erromantze garbia daukala, agian oharkabean medio 'erdia', 'erdikoa' erdaldunarekin sortzen den loturarengatik. Medios leku-izenaren eta erdarazko medios-en arteko zerikusia eitetik haruntzago doalakoan gaude, Medios 1892ko katastro arte dokumentazioan sekulan ediren ez dugulako, eta beraz izen berritzat har daitekeelako [Alabaina, behin ere azaltzen ez diren toponimo zahar horietako bat ere (cf. Makarreta) izan daiteke. Dena den, dagoen tokian egonez, eta den bezalakoa izanez, bitxia litzateke, oso, agirietan sekulan ez azaltzea.]. Honela balitz, erdal *Corraliza edo término de medios bezalako sintagma baten laburketa izango litzateke, eta La Sierra-ren erdi aldean egoteari zor izango litzaioke (cf. Alto de Medios edo Balsa de Medios, azken hau El Monte-ren erdi-erdian, Uxuen bertan, edo Barranco de Medios Morionesen). Medios [médjos] La Sierra-n dago, Santa María la Blanca-ren ondoan. Mugakide San Nicolás (Lakumulatu-ren barrukotzat jotzen da orain), Lakumulatu, Los Berros (antzinako Berage), Santakaramuru, Zaubio, eta Urteaga ditu. Barranco de Medios bertan bat egiten duten bi errekastoei esaten zaie (elkartu ondoko zatia Barranco de Artabakoitz zen lehen). Medios-en puska baten ohizko izena Artabakoitz izan da iragan mendearen hasiera arte (ikus sarrera hau).
(...)