EODA osoa

(...)
Corominasen arabera [DCELC.] villar latin klasikoko vîlla 'bazterretxea, baserria'-tik atera den latin berantiarreko vîllaris poblazioa'-tik eratorri behar da. Uxueko Los Villares-ek herriaren inguruko lur zerrenda ematen du aditzera, El Castillazo edo Gazteluondoa barne (ikus sarrera hau), hots, dokumentazioko Las Coseras-en edo Galipentzuko Las Costeras-en antzeko zerbait, erabat berdinak ez direnagatik. Jimeno Juríok, Tafallako Villar aztertzen ari delarik, honela dio: "En ambos textos forales el Villar es un paraje extraurbano, en el límite de las corseras que rodean la población. Es «arrabal», núcleo habitado periferico extramural. «El cuerno del Villar» está encima de una «regadera» (presa y bocal de la acequia de riego de San Andrés), en torno a la iglesia dedicada a este santo, contigua a la de San Sebastián..." [THET, 213-214. orr.] Zarrakaztelun El Villar herri ondoko lurra hartzen zuen udal-korraliza zen lehen, egungo Uxueko Los Villares bezalatsu, eta oraingo Villar de Estercoleros herriaren alboko eremua da, non ikuiluak garbitzean ateratzen den ongarria botatzen baita [Ricardo Ciérbide, TCO-II, 123. or.]. Los Villares-ko belarra ez da saltzen, eta herriko aziendentzat altxatzen da. Izen zaharra dela dudarik ez dago. Orain pluralean erabili ohi da, eta agirietan ere gehienbat horrela azaltzen da, baina inoiz edo behin singularra ere aurkitzen dugu, zati zehatz bat aditzera emateko (El Villar de Gazteluondoa, kasu. Cf. gainera aipatu Tafallako El Villar).
(...)