(...)
Sanditume erdal Santo Tomás-en ordain euskalduna da. Sanditume-ren jatorria latineko genitiboan bilatu behar genuke, baina esan bezala nominatiboa ere izan liteke (ikus Galipentzuko Santitisi-n dioguna) [Jakerrian ecclesia Sancti Tome dugu 1093an (ikus "Nombres de núcleos de población en el alto valle del río Aragón", M. Alvar, Actas de la primera reunión de toponimia pirenaica, Zaragoza, 1949, 32. or.).] Tome > Tume pausoa euskaraz ezaguna da (cf. mutxurdin < motz + urdin; mover > mugitu, edo decima > dekuma. Ikus Galipentzuko Dekumazarra sarreran honetaz dioguna), eta beraz euskal azalpena eman diezaiokegu. Burgiko 1849ko [Agoizko hipotekak, 3, 65. or.: "un bordal en el temno llamado Donetomo". Elo herrian Santitume daukagu 1649an (PRA-Elo, 2. k.): "La otra pieza...en el termino LLamado santitume afrontada...con camino que ban a equisoayn".] Done Tomo (< Done Tome, Doletomo egun) hagionimoan Sandi-ren ordez Done elementu alboratua dugu. Kasu honetan, beste batzutan ez bezala (cf. Jaun Done Petri, Jaun Done Mikendi), erdal izena atera da garaile, eta gaurregun Santo Tomás esaten da. Herri alboan dago, Camino de Errotaxar eta Barranco de Iturralde (Urretako erreka aurrerago)-ren artean. Gain bat ere bada, herri ondo-ondoan, Altico de Santo Tomás izenaz ezagutzen dena, eta gure ustez ermita muino honetan egon zitekeen. Badakigu 1788rako ermita hondatua zegoela.
(...)

(...)
Ikus Barrio de Santo Tomás eta Sanditume sarrerak.
(...)