Lidia (es), Lydie (fr)

Deun-ixendegi euzkotarra (Arana eta Eleizalde, 1910) lanean gaztelaniazko Lidia izenarentzat ematen den euskal baliokidea. Ikus Lidia.

Lidia (es), Lydie (fr)

Lidia Ekialde Hurbileko herrialdea zen grekoz, baina adiera hori goiz galdu zuen eta ponte izen bihurtu. Grezian eta Erroman franko erabili zen. Tindatzaileen patroia da, hori baitzen Mazedoniako Filipos hiriko Santa Lidiaren lanbidea. Santa hau izan zen hiri horretan Done Paulok kristautu zuen lehen pertsona. Santuaren eguna martxoaren 27an da. Aldaera: Lide (Deun-ixendegi euzkotarra).

Deun-ixendegi euzkotarra (Arana eta Eleizalde, 1910) lanean gaztelaniazko Liduvina izenarentzat ematen den euskal baliokidea.. Izen honetako santa Holandan bizi izan zen XV. mendean, eta erien patroitzat hartzen da. Santuaren eguna apirilaren 14an da. Baliokideak: Liduvina, Luz Divina (es).

Mutiloa (Gipuzkoa) herriko Andre Mariaren ermita. Hona haurrik gabeko bikoteak eta esnerik ez duten amak etortzen dira laguntza eske. Haur jaio berriak ere eramaten zaizkio, babesa eman diezaien. Jaia irailaren 8an egiten da. Aldaera osoa Liernia da.

Atharratzeko (Zuberoa) kantonamenduko herria eta Andre Mariaren adbokazioa. Herriaren lehengo aipamena 1080. urtekoa da. Daitekeena da Aimeric Picaud-ek XIII mendean eginiko liburuan aipatzen duen Arnaldus de Guinia bertakoa izatea. Elizaren absidea erromanikoa da.

Mendexa (Bizkaia) herriko auzoa eta Andre Mariaren eliza.

Hitz arrunta da, bai eta Ekain haitzulotik hurbil dagoen jauregi baten izena ere, Zestoan (Gipuzkoa). Loreak Europako kulturan emakumearekin lotu izan dira beti. Gogoratu beharra dago Erromako Flora loreen eta udaberriaren jainkosa zela, eta kristauen artean ere liliak eta udaberria Ama Birjinarekin erlazionatu direla, eta, hedaduraz, emaztekiekin. Euskal kantu zaharretan, Europa osoan bezala, lorea izan ohi da andrearen irudia. Aldaerak: Lore eta Lorea.

Ingeles etorkiko izena dugu Lilian, Elizabeth-en hipokoristikoetako bat.