Gasteizko herri hustua eta Andre Mariaren antzinako ermita. Herria Mendiola ondoan zegoen; ermita, behinola eliza izandakoa, 1825ean bota zuten, eta harrizko gurutze batez ordezkatu. XIX. mendean labore biltegia eraiki zuten bertan.

Olarreko Señorea Mariren irudikapenetako bat da (Ikus Mari). Upon (Bizkaia) egoten omen zen eta hemendik Txakarrera joaten omen zen eguzkia hartzera eta ilea orraztera. Behin andre batek haserre eman omen zion horregatik eta, mendekuz, Olarreko Señoreak esnea galarazi omen zion.

Errioxako Rodezno herriko Andre Mariaren ermita. Eraikuntza berria den arren, inguruan badaude Goiz Erdi Aroko hilobiak. Zoritxarrez, 1975ean barruko irudi eta margolan guztiak ebatsi zituzten. Jai eguna Aste Santua eta 40 egunetara da. Ikus Aritzeta.

Azpeitiko (Gipuzkoa) Andre Mariaren ermita, Izarraitz auzokoa. XVIII. mendera arte bertan biltzen ziren Gipuzkoako Batzar ohiz kanpokoak. Subitzan (Nafarroa) ere bada Olatz izeneko Andre Mariaren beste adbokazio bat.

Aramaioko (Araba) kontzejua, Muxika ere deitua, eta Andre Mariaren eliza. Mendiez bestaldean dagoenez gero, hots, Bizkaiko golkora begira ez dagoen udalerriko kontzeju bakarra denez gero, arrunt nekeza zen bertako bizilagunentzat Ibarrera joatea, eta horregatik eraiki zuten eliza berria. Nafarroako Orbaibarren ere bada izen bereko herria, erdaraz Olleta esaten zaiona. Bertako Andre Mariaren eliza erromanikoa garai batean Jerusalemgo Done Joaneren Ordenako Zaldunena izan zen. Hemen zeuden margolan gotikoak Nafarroako museoan gordetzen dira orain.

Olga (es), Olga (fr), Olga (en)

• 66. araua: Santutegiko izen ohikoenak (2019)

Olimpia (es), Olympias (fr), Olympias (en), Ὀλυμπιάς (el cl)

• 76. araua: Latin eta greziar pertsona-izen klasikoak (2014 [1997])