Bideko Andre Mariaren ermita, XVIII. mendekoa, Arribe-Atallun (Nafarroa). Orella-Goikoetxeatarrek eraiki zuten eta hortik izena. Luzaiden (Nafarroa) bada Orella deritzan aurkintza.

Gipuzkoako herria eta Andre Mariaren adbokazioa. Herriak Tolosarekin bat egin zuen 1374an eta 1615ean lortu zuen hiribildua izatea. Nafarroan ere bada izen bereko herri hustua, Girgillao eta Mañeruren artean.

Auriaren Erdi Aroko aldaera. Lizarran (Nafarroa) 1333. urtean dona Oria d'Ouanos bizi zen.

Ikus Auribita.

Nafarroako herria eta Andre Mariaren eliza, irudi erromanikoa duena. Bertan baziren XVI. mendeko margolanak.

Zuia (Araba) ibarrean biziro leku eder eta ikusgarrian kokatutako Andre Mariaren santutegia. Herrikoek beherago eraiki nahi izan omen zuten, baina alferrik, eramandako gauza guztiak lekuz aldatu eta egun santutegia dagoen tokian agertzen baitziren. Erromatarren garaiko (I-III. mendeak) Akitaniako idazkunetan agertzen den izena ere bada Oro. Toponimian ere maiz aurkitzen dugu (cf. Oro, Orokieta, Orotz, Orozko...). Garbi dago, bestalde, ez duela gaztelaniazko oro 'urrea' hitzarekin zerikusirik. Igokundez bizkaitarren jaia ospatzen zen eta Mendekosteko bigarren egunean arabarrena.

Ikus Auribita.

Oltza zendeako (Nafarroa) herria eta bertako elizako aldare batean dagoen Andre Mariaren irudia. 1043an Nafarroako erregeak Ororbia Santxo Fortuñezi eman zion eta lau urte beranduago honek Leireko monasterioari utzi. Emate agiriko lekukoetako bat Enneco Lopiz Bizkaiko jauna izan zen. Izenaren osagaiak, Mitxelenak dioenez, orein eta ibia dira, alegia, 'oreinen ibia' da jatorriz.