Gracia (es), Grace (fr)

Ikus Garazi eta Grazia.

Gracia (es), Grace (fr), Grace (en), Gratiae [pl.] (la)

Latineko gratia 'mesedea' hitzetik datorkigun izena da hau. Grazia kristauen teologian Jainkoak emandako dohaina da, baina ezagunagoa da Greziako graziengatik. Hiru graziak, Aglae, Eufrosia eta Talia Zeus eta Eurinomeren alabak ziren, edertasuna eta gogo-gorputzen oreka irudikatzen zuten. Dona Gracia Iruñean aurkitzen dugu, 1241ean eta Graçi aldaera Bilbon 1470ean (Graçi d'orosco). Santuaren eguna ekainaren 23an da. Aldaerak: Garazi, Grazi eta Gartze (Deun-ixendegi euzkotarra).

• 82. araua: Grezia eta Erromako pertsonaia mitologikoak (2014 [1998])

Graciana (es), Gracianne (fr)

Latineko Gratiana izenetik sortua, eta hau Gratia-tik (ikus Grazia). Aldaerak: Geraxane, Gexina eta Gartzene (Deun-ixendegi euzkotarra).

Graciosa (es), Grace (fr)

Latineko gratiosa 'eragin handikoa, amoltsua, adeitsua' adjektibotik. Aldaera hipokoristikoak: Gaxux, Gaxuxa eta Gaxi.

Gregoria (es)

Grezierako Gregorios ('iratzarria', 'ernea', 'gogotsua') izenetik dator, latineko Gregorius bitarteko dela. Izen hau izan duten santu eta aita santu asko daude, baina ezagunena Tourskoa da. Hau 'Frantziako historiaren aita' deitu izan da, bere idazkiengatik. Aldaera: Gergore (Deun-ixendegi euzkotarra).

Marciala (es)

Azken urteotan sortu da, Edurne, Jone, Josuneren tankerako izenen analogiaz, gaztelaniazko Marcialaren baliokidetzat. Oinarrian guda 'gerra' dago, historikoa gudu 'borroka' bada ere; bukaera -ne atzizki femenino berria da.

Piedad (es)

Ikus Errukia.