Adibidez, emadak/emaidak, uztak/utzizak, pasaidak/pasadak…

Orain arteko arau-gomendioetan gai hau erabaki ez bada ere, zerbait aipatu da Euskal Gramatika: Lehen Urratsak (EGLU) liburukietan, baina aipatu baizik ez.

Zenbait esparrutan guztiz premiazkoak dira: harreman pertsonaletan, kirol-jardueretan, lan-harremanetan, etab.

Egokia litzateke hainbat zalantza eta bikoiztasun gainditzea eta forma erabilgarriak zein diren esatea, baina modu zabalean, ahozkorako eta idatzizkorako balio dutelarik. Eta eredu mordoxka eman beharko litzateke, nolabaiteko "eredu osoa" eskainiz.

Ustea edo iritzia adierazteko, zuzena al da Eta nago (...) -(e)la horrela erabiltzea? Eta ordena horretan? Adibidez, Eta nago ideologia jakin bateko bertsozalea hoztu eta atzendu egin dela jokaera berri horrekin.

Zein da zuzena atoz ala hatoz? Atozte ala hatozte?

Galderak egitean euskalki batzuetan erabiltzen den -a partikula nola idatzi behar da? Adibidez: Kepa etxean dagoa/dagoia/dagoea/dagoeia. Edo nola bestela?

Tabernako iragarki gisa, Salda dago / Salda badago aukeran, zein da egokia eta zein ez, eta zergatik?

Zer irizpide hartu dira kontuan hitanoko formak erabakitzean?

Noiz da zilegi eta noiz ez Diot nik, aditza aurrean jarrita inolako partikularik gabe?

Azkenean onartu egin beharko al ditugu Da arrunt ona; Dago etxean; Diot nik eta horrelako erabilerak?