JAGONET galde-erantzunak
Ortotipografia: siglak (kasu-markak)
Siglak deklinatzean, irizpide kontrajarriak ikusi izan ditut. Esaterako, LAB sindikatuaz ari garenean, LABek idatzi ohi da; Gure Esku Dagoren siglak deklinatzean, berriz, GEDk. Ez al luke behar GEDek?
Bestalde, Gure Esku Dago izen berezian hitz bakoitzaren lehen letrak larriz behar al du?
Bai, GEDek behar du. Euskaltzaindiaren 196. arauan jasoa dago (15. puntuan) siglak hitz gisa hartzen dituela kasu-markak. Gure Esku Dago izendapenari dagokion GED sigla nola deklinatu zehazteko, lehen-lehenik kontuan hartu behar da izendapen berezi bat ordezkatzen duela eta, hala denez gero, izendapen osoa ordezkatzen duela, perpaus oso bat izanda ere. Ondoren, ‘kontsonante + bokal + kontsonante’ hurrenkeraz osatuta dagoenez −eta silabaka irakurtzen denez, beraz−, “Fagor”, “Interpol” edo “Nafarroa Oinez” izendapenek bezala hartzen ditu kasu-markak GED siglak. Beraz, GED, GEDek, GEDi… (ikus 15.4 puntua).
Erakundeen izendapena osatzen duten hitz nagusi guztiak letra larriz hasita idazten dira. Kasu honetan, beraz, Gure Esku Dago. 183. arauan dago arautua kontu hori.
Data: 2024-07-15
Informazio gehigarria:
- "siglak" (EBE)
- "izen bereziak: adierazpen izendatzaileen deklinabidea (leku-izen edo pertsona-izen ez diren izen bereziak)" (EBE)
Zalantza-mota: morfologia > kasu-markak, izen bereziak > bestelakoak, ortografia > maiuskulak/minuskulak, ortografia > siglak/akronimoak
Unitate-mota: hitzak > siglak, karaktereak > laburtzapenak, karaktereak > letrak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Headquarters
- B
- BISCAY
- Plaza Barria, 15.
48005 BILBO - +34 944 15 81 55
- info@euskaltzaindia.eus
Research Center
- V
- LUIS VILLASANTE
- Tolare baserria. Almortza bidea, 6.
20018 SAN SEBASTIAN - +34 943 42 80 50
- donostiaordez@euskaltzaindia.eus
Local offices
- A
- ÁLAVA
- Gaztelako atea, 54
01007 VITORIA/GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 SAN SEBASTIAN - +34 943 42 80 50
- donostiaordez@euskaltzaindia.eus
- N
- NAVARRE
- Oliveto Kondea, 2, 2. solairua
31002 IRUÑEA/PAMPLONA - +34 948 22 34 71
- nafarroaordez@euskaltzaindia.eus
Association
- N
- Northern Basque Country
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
