(...)
Muga eta zuria-z osatua dago. Mugazuria gaurregun Uxuekoa bakarrekoa da, baina Galipentzun ere behin baino gehiagotan aurkitu dugu, auzo herri horretako mugan (ikus Billakukuru sarrera). Dena den, Galipentzuko dokumentazioan gutxitan ediren izanak eta egun zeharo ezezaguna izateak izen honen "galipentzutartasuna" zalantzan jartzera garamatza.
(...)

(...)
[-Eta gure eskualdean] Toponimo guzti hauen azterketatik honako ondorio hauek atera ditzakegu: [...] 9.-Aniztasuna / batekotasuna [...] Beste anitzetan, ordea, -eta (-keta, -kieta) atzizkiak, -aga-k usu bezala, toki huts-hutsa adierazten du, toponimoak izendatzen duen entitatea bat bakarra delarik. Hau segurua da -eta-dun eta gabeko toki-izenak agertzen zaizkigun kasuetan (kasu gehienetan, ez denetan. Cf. Uxueko Mantxiriturria / Mantxiriturrieta). Honelakoetan -eta atzizkiaren eginkizuna oinarria izen arrunta ez dela ezagutzera ematea litzateke: Aitzandia / Aitzandieta (Uxue); Ardantzebarrena / Ardantzebarreneta (Ageza); Astalorraldea / Astalorraldeta (Moriones); Bidezarra / Bidezarreta (Eslaba); Butzuandia / Butzuandieta (Leatxe); Errotaxarra / Errotaxarreta (Leatxe); Gesaliturri / Gesaliturrieta (Zare); La árrega (Murillo), Larrage (Uxue) / Larrageta (Murillo, Santakara, Uxue) [Ikus, halaz ere, Uxueko toponimia aztertzean Larrage sarreran dioguna]; Meazuko erreka / Meazukoerreketa (Galipentzu); Monda / Mondakieta (Lerga); Mugazuria / Mugazurieta (Uxue); Puio / Puieta (Zare); Saratsa / Saratseta (Zare); Sariozarra / Sariozarreta (Moriones); Sortengortea / Sortengorteta (Eslaba); Zazutxikia, Zazutxipia / Zazutxipieta, Zazutxikieta (Eslaba); Zerradogibela / Zerradogibeleta (Eslaba)... Beraz zera ondoriozta dezakegu, -eta-k usu askotan tokitasuna markatzen duela, eta hortaz, aniztasuna edo batzutasuna gabe, batekotasuna adierazten duela. Hau da, adibidez, Agezako Cruz de Gurutzeta-n daukaguna, gurutze bakarra zela garbi dakigunez gero.
(...)

(...)
[-Eta gure eskualdean. Uxue] Muga izena, zuri izenondoa, eta -eta berrekailua ditugu hemen. Dokumentazioan arruntena eta egun bizirik dagoena Mugazuria da, eta badirudi -eta-k ez duela lekuaz besterik ezer adierazten.
(...)

(...)
Muga izena eta zuria izenondoa dira honen osagaiak [Cf. Iruñearen eta Burlataren arteko muga aldean dagoen Mugazuri dermioa (Mugazuria da 1762an), gaur industriagune bilakatua. Ikus Jimeno Juríoren ETB, 80. or.]. 1688ko Mugazurieta-k hemen ere beste batzuetan azaltzen den Ø / -eta aldizkatzea gertatzen zela erakusten du. Mugazuria [mugàzuría] (edo Mazuria [màzuría] laburtua batzuetan)-k halere, ez du ia Galipentzurekin mugatzen, Zaldunaga eta Aristuziaga tartean sartzen direlako. Dena den, Mugazuria eta Zaldunaga-ren arteko harremanak eta banaketa nahikoa nahasirik daude gaurregun, eta hau dela medio ez dugu argitasunik ateratzerik izan [Nahasketa, beste batzuetan bezala, dermioa eta "corraliza" ongi ez bereiztetik heldu da, alegia, "corraliza" bakarrean bi dermio (Zaldunaga eta Mugazuria) sartzetik.]. Beste aldetik, eta esan bezala, badirudi Cuartochiguito berriak lur puska bat kendu ziola Mugazuria-ri. Handiena izateari zor bide zaio lau "laurden"-ei Cuatro Cuartos de Mugazuria deitzea (ikus sarrera hau). 1800eko Alto de Mugazuria egungo Alto de Capaburros berria da gure irudiko. Carasol edo Solano de Mugazuria Barranco de Zaldunaga-n amaitzen den Barranco de Mugazuria-ren ondoko egutera da. Caracierzo de Mugazuria, berriz, Zaldunaga aldera doan Camino de Gallipienzo-ren alboko elutsa da, eta Llano de Mugazuria, azkenik, altxonbideak zeharkatzen duen zabaldia. Mugazuria-k Cuartochiguito, Carasolbajo, Aristuziaga, Zaldunaga eta Txorria ditu mugakide.
(...)

(...)
Ikus aurreko sarrera.
(...)