• Euskaltzaindiak eta Bortzirietako Euskara Mankomunitateak elkarlanean antolatu dute erakusketa hau eta Berako Udalak antolatzen duen Uscaldunac garen ezquero kultur ekimenean kokatzen da. Nafarroako Gobernuaren finantziazioa jaso du.
• Programa horren barnean antolatu dira, besteak beste, herritarrendako bisita gidatu irekia (azaroaren 29an, 18:30ean) eta “Euskararen hiru titiak eta bertze istorio miresgarri batzuk” kultur emanaldia ere (abenduaren 1ean,19:00etan).
• Euskara Ibiltaria online ere ikus daiteke, HEMEN

• Pirinioetan elkarrekin bizi diren hizkuntza guztien ezaugarri nagusiak eta mugarri historikoak biltzen dituen erakusketa da hau. Erakusketa 2023ko abenduaren 7ra arte izanen da ikusgai goizeko 8:00etatik arratsaldeko 20:00ak arte. Bisita gidatuak eskatzeko aukera ere badago.
• Azaroaren 7an, arratsaldeko 7etan, “Euskara Pirinioetan: leku izenen bidez erdiets dezakegun argitasuna” hitzaldia emanen du Patxi Salaberri euskaltzainak.
• Egitasmoa Barañaingo Udaleko euskara zerbitzuarekin elkarlanean antolatu da eta Nafarroako Gobernuaren finantziazioa jaso du.

• Euskaltzaindiak eta Zildozko Kontzejuak elkarlanean antolatu dute Jose Manuel eta Juan Manuel Urtasun Lakidain anaiei eginen zaien omenaldia; Zildozko Perutxenean sortu ziren egile oparo horiek.
• Urteurren honetan jardunaldi bat antolatu da Zildozko elizan, azaroaren 26ko eguerdiko 12:00etan hasita, egile haiek, beren sortetxea eta zildoztarrak omentzeko.

Bertan, herritar, udal eta gobernu ordezkariekin batera, Ekaitz Santazilia ikerlariak Perutxeneko Urtasun-Lakidain anaien bizitza eta obra hitzaldia emanen du bai eta Euskara Ezkabarten: paperetik ahora erakusketaren bisita gidatua.

Horretaz gain, Euskara Ezkabarten: paperetik ahora erakusketa ikusgai izanen da azaroaren 17tik 25era arte Arreko (Ezkabarte) Gizarte Etxean, euskarak Ezkabarten izan duen lekua hobeki ezagutzeko.

Gorpu ustel bat poltsa opako batean?
Amonaren antigoaleko orratza?
Pin modernoa, guai eta merkea?
Fosil bitxi bat kristalezko urnan?
Behi potoloa, eusko labela, errapea tantaka?
Ikono mirakuluzkoa aldareetan?

Zer zara, lingua navarrorum,
gure bihotzeko mapamundian?
Helmuga bat, lurralde bat,
argonauten ardi-larru polikromoa.

Miren Agur Meabe, 2008

Susa argitaletxearen Basquepoetry ataria.