Fitxa teknikoa:
- Hiru ikasturte kontuan hartuak: 1995-1996, 2002-2003 eta 2008-2009.
- 2.607 fitxa orotara: 835 (1995-1996), 893 (2002-2003), 879 (2008-2009).
- 16 galdera orotara (datu pertsonalei buruzkoak kontuan ez hartuak): 5 aukera itxiko, bi aukera anitzeko eta 1 idekia.
Helburuak:
Emaitza nagusiak:
Laburbilduz hona emaitza nagusienak:
-
Herrikoak etorkinak baino gehiago dira AEK-n, baina diferentzia tipitzen da. 2008-2009an herrikoak %52 dira eta etorkinak %48. Emazteak gizonak baino gehiago dira, %53 versus %47, eta herrikoetan are gehiago.
- Ikasleak gero eta zaharragoak dira, baina herrikoak etorkinak baino gazteagoak dira.
-
Lanean ari dira gehienak (%67) eta langile gehiago bada herriko ikasleetan (%71) ezinez eta etorkinetan (%62). Erretretan direnak gero eta gehiago dira bi multzoetan.
-
Etorkinen ikasketa-maila herrikoena baino gorago da. Unibertsitateko ikasketak egin dituztenak %52 dira, herrikoak %40.
-
Hizkuntza gaitasunari begira eta euskara kontuan hartu gabe, gehiengo handia elebiduna edo eleanitza da: herrikoetan %61, etorkinetan %71. Hizkuntzak bereiziz frantsesdun elebakarren multzoa da multzorik handiena da, herrikoetan (%39), bai eta ere etorkinetan (%29). Gaztelania eta ingelesa dira beste hizkuntza mintzatuenak. Gaztelaniadun gehiago bada herritarretan eta ingelesdun gehiago etorkinetan.
-
Familia euskaldunak, erdaldunak eta elebidunak hein berean daude, herenaren heinean. Ikasleen lankideek euskara ez dute ezagutzen edo gutxik : "nehork" eta "batzuek" dakiten lankidegoak gehituz, herriko ikasleen %82 lortzen da eta etorkinen %83. Emaitzak berdintsuak dira lagunarteetan.
-
Herritarrentzat motibazio nagusiak dira euskaldunen arteko komunikazioa (%29), nortasunaren adierazpena (%22) eta euskal kultura bereganatzea (%16). Etorkinen motibazio nagusiak dira euskaldunekin komunikatzea (%25) ere bai, ondotik euskal kulturaren jabekuntza (%22) eta integrazioa (%18). Bi jatorri multzoentzat motibazio ahulena euskara lanerako da (%5) eta (%4).
-
Motibazioak sailkatuz arrakastaren arabera, nortasunari buruzko motibazioak dira hautatuenak (kultura, integrazioa, sustraiak): %47. Gutiago motibazio praktikoak (komunikazioa, haurren euskalduntzea, lanerako): %37. Motibazio intelektualak dira ahulenak (hizkuntzei buruzko interesa eta beste): %16. Ordena bera herrikoetan eta etorkinetan, halere etorkinak praktikoago eta herritasun gehiago herrikoetan.
-
"Adiskidekin mintzatu nahi dut sinpleki" da helburu hautatuena herrikoentzat (%54) eta etorkinentzat (%61). Bigarrena "euskaraz frantsesez bezain ontsa mintzatu nahi dut" da herrikoentzat (%45) baina hirugarrena etorkinentzat (%35). Azken helburua « lanbide bat euskararen bidez eskuratu nahi dut » da bi multzoentzat.
-
Oro har iduri luke etorkinek oinarrizko komunikazioa lortu nahiko luketela, herrikoek aldiz komunikazio-gaitasun handiagoa bilatuko lukete.
-
Era orokorrean AEKko ikasle helduak Ipar Euskal Herriko biztanleriaren maraila dira gutxi gorabehera, nola ezaugarri soziolinguistikoetan, hala euskarari buruzko motibazioetan.
Erramun Baxokek eta Jean-Baptiste Coyosek aurkezpenean erakutsi duten materiala 464,20 Kb
Liburua eskuratzeko sakatu hemen