Izen maileguetan, -ario gaztelaniaz eta -aire frantsesez dutenetan, -ario forma erabiltzea gomendatzen da euskara batuan: notario, funtzionario, kortsario; salbuespena delarik parlamentari.
Izenondoetan berdin, Euskaltzaindiak -ario gaztelaniazko forma hobesten du, eta ez -ari: (sistema) planetario,(talde) parlamentario, (aldizkari) unibertsitario.
Dena den, egitura horien erabiltzeko ordez (hots -ariodun izenondoak), euskal egituraren araberako ordainak erabiltzea gomendatzen da (izena kalifikatzaile gisa lehenik): planeta-sistema, parlamentu(ko) talde, unibertsitate(ko) aldizkari.