edozein
1 det. Dagokion izenaren ezkerrean ezartzen den hitza, honek aditzera ematen dituen gauzetako edo pertsonetako bat, berdin da zein, adierazten duena. (Dagokion izen sintagma mugagabean erabiltzen da). Edozein ordutan eta lekutan. Edozein moduz egina. Hori edozein sendagilek esango dizu. Guztien agerian dantzan eta edozein gauza lohi egiten. Herri honetako edozein umek kantatzen duen abestia. Nire otoitzak dira laburrak, alboetara begira eta neure gogoa edozein gauzatan dudala eginak. Edozein hizkuntzaren dialektoak bezala.
2 (Gauzez mintzatuz, dagokion izena ezabaturik; mugagabean erabiltzen da). Literatura lanetan, beste edozeinetan bezala, helburua aldez aurretik ezagutu beharra dago. Gauza horietatik edozein egiten dutenak.
3 izord. Nornahi. Edozeinek dakien gauza. Zure gisako edozein agertzen zaionean. Edozein edozeinekin, berdin zaie. Semea ikusi eta Harengan sinesten duen edozeinek betiko bizia izan dezan. Gizonaren odola isurtzen duen edozeinen odola isuriko da. Gaurko edozeinek ontzat hartuko lituzkeen eskabideak. Ni beste edozein bezain bertsozalea naiz. Horrela mintzo zaiguna ez da edozein.