Jagonet

Lehengo batean zera irakurri nuen jatetxe batean: Egungo iradokizunak, eta jarraian, Iradokizunak. Hitz hori horrela erabiltzea ez al da erdarakada galanta? Izan ere, iradokizuna ez ote da ‘norbaitek edo zerbaitek ernarazten digun sentipena’?

Jende hitza beti singularrean deklinatu behar da ala onartzen da pluralean ere? Eta joan al daiteke zenbait eta batzuk hitzekin edota zein eta edozein hitzekin? Adibidez, jende batzuk, zenbait jende, edozein jende eta abarrekin?

Joko hitzak ba al du esanahi generikoa: alegia, jolasak bere barnean sartzeko modukoa? Egokiak al dira haur-jokoak, mahai-jokoak, hitz-jokoak, tokan jokatu eta abar?

Bezeroentzat dugun menuan Sagar krepa Calvadosarekin dugu. Zuzena al da?

Euskal onomatopeien zerrendatxo bat ateratzeko premia ikusten da (lehendik eginik baldin bada, ez dugu ezagutzen).

Begirunezko tratamendurako forma bereziak direla eta, zalantza dugu txit garai, txit goren, txit argi eta txit prestu formen artean. Zein dira egokienak?

Indabak jan nahi ditut esaten badugu, zergatik ez esan indabak jan nahiago ditut?

Nola idatzi behar dugu ahaztu aditzaren arazlea, AHAZTarazi ala AHATZarazi?

Aditzoinen kontua argitzeko, hau da, indikatibokoak ez diren aditz-formetan (aginteran, subjuntiboan edo ahaleran) adizki nagusiak izan behar duen formaz 28. arauaz gainera beste araurik eman den ala ez jakin nahi nuke. Eta ea zuzenak diren ondorengo adibide hauek guztiak: ekar dezala, neur dezaket, zorrotz dezaket, ikas dezakezu, ekar genezake, lagun nazazu, lagundu nazazu... Azkeneko horiek biak ere zuzenak dira?

Zuzena al da Halaber, aipatu du horiek direla bere asmoak esaldia? Izan ere, irakurri izan dut aipatu aditzak ez duela perpaus osagarririk onartzen.