Zein forma dira zuzenak: ni(k) neu(k) asko aldatu dut/naiz; harrezkero asko aldatu dira/dute gauzak/ek?
Euskaltzaindiaren Hiztegiak dio [EH:aldatu] aditzak da nahiz du laguntzaileak har ditzakeela. Galderan aipatutako adibideak hartuta, hona egitura zuzenak:
Ni neu asko aldatu naiz.
Nik neuk asko aldatu dut langela.
Harrezkero asko aldatu dira gauzak.
*Harrezkero asko aldatu dute gauzek ez da zuzena objekturik ez badago (‘zer aldatu dute gauzek?’); objektuarekin, berriz, zuzena litzateke: Gertatu diren gauzek asko aldatu dute giroa.
Horrez gainera, ikus hau ere: "Aditzaren jokabidea: aldatu (iritziz aldatu)" (JAGONET).
Data: 2020-05-14
Informazio gehigarria:
Zalantza-mota: sintaxia > aditza, sintaxia > komunztadura
Unitate-mota: hitzak-aditzak > komunztadura
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.