Beheko taulak jasotzen ditu leku/denborazko PSen atzizkiak eta modu bateko eta besteko ISei erantsirik hartzen dituzten formak:
Inesiboa
-an
-tan
-gan
herrian, igandean
etxe hartan, zein herritan…
herri hauetan, egun haietan, zein etxetan, zer urtetan
etxeetan, astelehenetan
gizona(ren)gan, horiengan, zugan…
Ablatiboa
-tik/-rik
-tatik/-tarik
-gandik
herritik, etxe hartatik,
herririk herri; jende hauetarik…
gizon horiengandik, zuengandik…
Adlatibo soila
-(r)a
-tara
-gana
negura, herrira, urrutira…
herrietara, etxe hartara, etxe hauetara…
Mikelengana, horiengana, guregana…
Hurbiltze adlatiboa
-rantz
-tarantz
-ganantz
herrirantz, etxerantz…
herrietarantz, adarretarantz…
etxe hartarantz, baso haietarantz…
gizon horienganantz, zuganantz…
Muga adlatiboa
-raino
-taraino
-ganaino
herriraino, ertzeraino, tontorreraino…
etxe hartaraino, herri hauetaraino…
haur horienganaino, zureganaino…
Adlatibo destinatiboa
-(ra)ko
-ta(ra)ko
eskolarako, herrirako…
zein etxetarako, etxe harta(ra)ko…
zein plazatarako, plaza honetarako, plazetarako…
egun horreta(ra)ko…
geroko, biharko, etzi(ra)ko…
Erlazio soilezkoa
-ko
Bilboko, herriko, igandeko…
etxe hartako, zein herritako, zer urtetako…
herri hauetako, egun haietako…
bihotz oneko, zuri buruzko, bost metroko…
Erlaziozko soila dei genezakeen -ko postposizioa ere bada. Maiz perpaus erlatibo baten bidez ordezka daiteke. Hala ere, jokamolde bereziak ditu -ko postposizioak. Gainera, -ko, berez, ez da leku/denborazkoa. Leku/denborazkoa, ondoan daraman PSa izango da, izatekotan: Arantzazu-KO irudiak, egun harta-KO gertakizunak… Baina bihotz oneko edo ganorazko diogunean ez da inondik ageri leku/denborazkorik. Horregatik, ‘erlaziozko’ deitu dugun -ko honek bere babespean (nolabait esatearren) leku/denborazko direnak eta ez direnak biltzen dituenez, hurrengo atalaren azkenean izango dugu mintzagai (§ 21.8.3).
Kapituluaren hasieran esan dugu inesiboa oinarri hartuta azal daitezkeela errazen leku/denborazko PSak (§ 20.1.5). Ondoko taulan ageri dira bai inesiboa eta bai inesiboari eransten zaizkion postposizio atzizkiak, sortzen diren formak eta bakoitzak duen adiera:
Euskararen Gramatika Euskaltzaindiaren Gramatika Batzordearen ekarria da. Beraz, lanak ez du eragozten edo baldintzatzen Euskaltzaindiaren Osoko bilkurak etorkizunean ondu edo moldatu ditzakeen alor honetako bestelako lanak, arauemaileak ere aintzat harturik.