(...)
Dok.: Artañaran XIX-XX. mendeetan. // Ebakera: Artáñan(go)bórda. Honi Tturríttakò, Tturrítten bórda, Tturríttakon bórda ere erraten zaio; ikus Tturrittakoren borda sarrera. // Kokalekua: Larrapil-Sarriku auzoan da, Artañarango errekatik hurbil. Legartzelaia du etxerik hurbilena. // Etimologia azalpena: Oikonimoa hurran den errekaren izenari zor zaio; azken hau Artanarain da 1570ean, Artain 1738an, Artariain, Artañaran 1795ean, Artáin orain. Bistan da hondarreko osagaia haran ‘ibarra’ izenaren -arain aldaera dela; lehena arte-ren eratorria izanen da, artano ‘arte ttikia’ menturaz. Egungo aldaeraren erdiko ñ hori azaltzeko palatalaren metatesia burutu dela kontu egin beharko dugu, alegia, Artanarain> *Artanara(i)ñ> Artañaran bilakaera izan dela.
(...)

(...)
Ebakera: Tturrittáko, Tturríttakò, Tturrítten bórda, Tturríttakon bórda. // Etimologia azalpena: Etxetik hurbil bada iturria, eta badaiteke izena hortik aterea izatea. Bertze aukera bat, ezin baztertuzkoa, oinarrian Turruta izengoitia dagoela kontu egitea da. Izan ere, berriemaile batek dioskunez, XX. mendean hemen bizitutako gizonak Turruta omen zuen izengoitia. // Oharra: Ikus Artañaran.
(...)