Pastora (es)

Euskal Izendegia-n biltzen den izena. Egileak gaztelaniazko Pastoraren baliokidetzat ematen du.

Pastora (es)

Deun-ixendegi euzkotarra (Arana eta Eleizalde, 1910) lanean proposatzen diren beste izen batzuen analogiaz sortu da. Ikus Unaisa.

Laukizko (Bizkaia) mendia. Andre Maria Unben agertu bide zen orain dela urte batzuk eta harrezkero debozio handia diote tokiari, nahiz Eliza Katolikoak ez duen agerpen hura onartu.

Okondoko (Araba) Irabaien auzoko eliza. J. P. Ulibarri okondar idazleak XIX. mendean eliza horretan euskaraz irakasten zela azaltzen du. Egungo eliza 1772an eraiki zuen Mexikon aberastutako indiano batek. Zaharra Untza dorrearen ondoan zegoen, ibai ertzean. 1793an izandako uholdeetan ura aldareraino iritsi zen. Huntza landare igokari baten izena ere bada.

Arellano (Nafarroa) herriko ermita. Inguruetan erromatarren garaiko hilarri asko aurkitu dira, horietako bat ermitako horman bertan. Andre Mariaren irudia XIII. mendekoa da.

Andre Mariaren antzinako ermita, Asparrenekoa (Araba). Eraikuntza Andramarialde izeneko dermioan zegoen.

Axpuru herriko ermita, Donemiliagan (Araba). Jatorriz Mendieta herri hustuko eliza zen.

Uralde-ko bi Andre Maria daude, bat Trebiñun eta bestea Haranean (Araba). Araikoko Ama Birjina Trebiñuko patroia da, San Formeriorekin batera. Eraikuntza erromanikoa da eta inguruan hilobiak eta antzinako hondakinak aurkitu dituzte. Santuaren eguna irailaren 8an zen, baina orain hil beraren lehen asteburuan ospatzen da. Haranekoa (Araba) herrian dago, Istora errekaren ondoan. Irudia, jatorrizkoaren kopia dena, Done Kristobal egunean eramaten da parrokiara, eta abuztuaren 31n ermitara bihurtzen.

Urarteko (Araba) Andre Mariaren adbokazioa. Eraikuntza gotikoa da, baina atea erromanikoa. Jaia abuztuaren 15ean ospatzen da.

Nafarroako mendi ezaguna. Nafar guztien ondarea bada ere, haren jabetza zela medio gorabehera eta auzi asko egon dira historian zehar. Abuztuan Otsarrate (Otxoportillo) eta Pilatosen balkoira joateko ohitura dago, 1936an matxinatuek hil zituztenen oroitzapenetan. Bakedanotarren Urbasako jauregian bada Andre Mariaren irudi bat.