Erdi Aroko izena, jatorriz 'frankoa' esan nahi zuena, gero 'frantsesa' adieraztera igaro bazen ere. Mota honetako izenak (cf. Alaman edo Ingles) ohikoak ziren Europa osoan. 1295ean, Lizarran (Nafarroa), Francesa kausitzen dugu, Franca zeritzan baten alaba.

Federica (es), Fédérica (fr)

Frithurik (frithu 'babesa', 'bakea' eta rîchi 'jauna') germaniarretik datorkigun izena. Santuaren eguna uztailaren 18an da. Aldaera: Perderike (Deun-ixendegi euzkotarra).

Gipuzkoako herria eta Andre Mariaren adbokazioa. Ikus Alkain.

Navidad (es)

Gabon izenaren emakumezkoen aldaera, Arana-Eleizalderen ildotik sortua. XVI-XVII. mendeetan Marigabon agertzen zaigu emakumezkoak izendatzeko (ikus sarrera hau).

Agata izenaren aldaera. Sopuertan (Bizkaia) badago Santa Gadea deituriko auzoa, A. Trueba idazlearen bizitokia izana.

Cayetana (es), Gaétane (fr)

Latineko Caietanus 'Caieta hirikoa' izenetik. Virgilioren arabera aipatutako hiriak, gaur egun Gaieta deitzen denak, Eneasen inudea izan zen Kaietagandik hartu zuen izena. Caio izenaren gentiliziotik ere etor liteke.

Erdi Aroko izena. Ezagutzen dugun Gipuzkoako lehendabiziko jaunaren emaztea (Gartzia Aznar-ena) honela deitzen zen. 1025. urtean Gaila zeritzan andreak Ezkioagako sagasti bat eman zion Jakako monasterioari (Huesca). 1183. urtean Dona Andregailla agertzen da, Iruñeko katedraleko artxiboan.

Salvadora (es)

Deun-ixendegi euzkotarra (Arana eta Eleizalde, 1910) lanean gaztelaniazko Salvador izenaren baliokide femeninotako ematen da.

Lizarrako (Nafarroa) Andre Mariaren ermita. Portale baten ondoan zegoen, Altsasuko bidean, baina aspaldian desagertu zen.

Gasteizko herrixka eta Andre Mariaren adbokazioa. Ikusgarria da eliza barruan dagoen F. Gamarraren hobia, zeinetan hildakoa belauniko irudikatzen den. Jaia abuztuaren 15ean da. Kuadrila berean dagoen Gamarragutxiko eliza ere Andre Mariari eskainita dago eta jaia irailaren zortzian ospatzen da. Bigarren honetan aipatzekoa da XIII. mendeko atea.