Izen arrunta ('babeslekua', 'itzala'), duen adiera dela bide antroponimotzat erabilia. Europan usaiakoa da babesa adierazten duten hitzak Andre Mariarekin lotzea, kristau guztien Ama baita.

Bizkaiko Foru Zaharrean Gernikako Antiguako Andre Mariaren eliza agertzen da, bertan egiten baitziren batzarrak eta foruen zin egozteak. Beste leku batzuetan bezala Antigua jatorrizkoari deitu zitzaion, hirigutuna lortzean Andre Mariaren eliza berria eraiki zutenean. Gernikako parrokia ere Andre Mariari eskainita dago. Jaia abuztuaren 15ean ospatzen da. Araban ere izan zen Gernika izeneko herrixka, Miñao ondoan,

Graciana (es), Gracianne (fr)

Ikus Graziana.

Kuartango (Araba) ibarreko herria eta Andre Mariaren eliza. Aski hondaturik dagoen egungo eliza 1735ean eraiki zuten, lehengoa ordezkatzeko, herritik urruti baitzegoen.

Uribarri Jauregi (Araba) herriko Andre Mariaren ermita; gaur egun Santa Isabel esaten zaio behialako Giputzuri herri hustuko eliza zen honi. Hormetan baditu aztarna erromanikoak. Jaia iraileko bigarren larunbatean da.

Encarnación (es)

Deun-ixendegi euzkotarra (Arana eta Eleizalde, 1910) lanean gaztelaniazko Encarnación (de Nuestra Señora)rentzat ematen den baliokidea. Ikus Gizakunde.

Encarnación (es)

Gizakunde egunean Gabriel goiaingerua Andre Mariari agertzea ospatzen da. Kristau tradizioaren arabera Ama Birjinak baietz esatean sortu zen Jesus haren baitan. Santuaren eguna martxoaren 25ean da. Aldaerak: Gixane (Deun-ixendegi euzkotarra), Gizane eta Gizakunde.

Encarnación (es)

Deun-ixendegi euzkotarra (Arana eta Eleizalde, 1910) lanean proposatzen den Gixane izenaren aldaera. Ikus Gixane eta Gizakunde.

Goi eta argi dira izen honen osagaiak.

Gipuzkoako herria eta Andre Mariaren adbokazioa.