Esperanza (es)

Ikus Itxaro.

Marina (es), Marina (fr)

Ikus Marina.

Mar (es)

Ikus Itsaso.

Barojatarren Berako (Nafarroa) etxearen izena.

Deba (Gipuzkoa) herriko auzoa eta Andre Mariaren santutegi ezaguna. Hemen ere, Euskal Herriko beste leku askotan bezala, eliza Ama Birjina agertu zen lekutik urrun eraikitzen saiatu omen ziren, baina alfer-alferrik, gauez gauza guztiak jatorrizko lekura itzultzen baitziren. Itsasoko jendeak debozio handia dio. XVIII. mendean haren gorazarrez egindako bertso batzuk idatzi ziren; honela hasten dira:
Izar eder bat etorri zaku
Itziartikan Debara
minez daudenak sendatutzeko
bere parerik ez dana.

Euskal Izendegia-n biltzen da 1513an emakume izena zela Gasteizen..

Hitz arrunta ('natura'), azken urteotan usu ponte izentzat erabilia. Erromatarren garaitik lotu dira izadia eta emakumea, naturaren jainkosa Flora zenez geroztik. Ikus Lili eta Lorea.

Izen berria da hau. Osagaiak izar hitza eta -ne atzizki femenino berria dira. Ikus Izar.

Bermeoko (Bizkaia) uhartea eta Andre Mariaren antzinako ermita. XVII. mendean frantziskotarren komentua izan zen bertan. Magdalena egunean Izarora joaten dira bermeotarrak eta, beren jabegoa azaltze aldera, uretara teila bat botatzen dute. Kondaira baten arabera monasterioko fraile lego bat Kanalako neska batez maitemindurik omen zegoen eta gauero joaten omen zitzaion bisita egitera, igeriketan, neskak piztutako argia lagun. Komentuko abadeak frailearen ibileren berri izan omen zuen, eta, ekaitz gau batean, argia labarretan piztu omen zuen eta maitale gaixoa bertan ito.

Urkabustaiz (Araba) udalerriko herria eta Andre Mariaren eliza. Jaia irailaren 8an da. Juan de Izarra idazlearen goitizena ere izan zen. Ikus Izar.