Bizkaiko herria eta Andre Mariaren eliza. Lemoa izena Lemoiz-ekin erlazionaturik dago, Arroa Arroitz-ekin loturik dagoen era berean.

Bizkaiko herria eta Andre Mariaren eliza. Urizar auzoan dagoen eraikuntzak baditu aztarna erromanikoak. Santuaren eguna abuztuaren 15ean da. Herria ezaguna egin zen bere dermioan amaitu ez zen zentral nuklearra eraikitzen hasi zirelako. Ikus Lemoa eta Urizar.

Leonora (es), Léonore (fr)

Leonor eta Eleonor izenak etorki ilunekoak dira. Batzuentzat Leonorius izen gaelikoaren bilakaeraren emaitza dirateke; beste batzuentzat, berriz, Probentzako Alienor izenetik datorke. Hirugarren multzo batentzat, buruenik, Elenaren aldaera dukegu. Leonor izeneko bi erregina izan dira Nafarroan. Santuaren eguna otsailaren 22an da. Aldaera: Lonore (Deun-ixendegi euzkotarra).

• 192. araua: Iruñeko eta Nafarroako Erresumako errege erreginen izenak (2020)

Grezierako leóntios 'lehoi itxurakoa' hitzetik sortutako ponte izena, bai Grezian eta bai Erroman hagitz erabilia. Santuaren eguna abenduaren 6an da. Aldaera: Lontze (Deun-ixendegi euzkotarra).

Morentingo (Nafarroa) antzinako herrixka eta egungo Andre Mariaren ermita. Irudia Okina zeritzan ermitan zegoen, baina hau erori hurran zenez gero, Leoringora eraman zuten. Kontatzen dutenez, izurriak herrixkako gizon guztiak hil zituen eta orduan emakumeek beste toki batzuetara alde egin zuten.

Gesalazko herria (Nafarroa) eta elizako aldarean dagoen XVII. mendeko Arrosarioko Andre Mariaren adbokazioa.

Leticia (es), Laetitia (fr)

Latineko laetitia 'emankortasuna', 'alaitasuna' izenetik dator. Laetitia ugaritasunaren jainkosaren izena ere bazen.

Azken urteotan pertsona izentzat erabili den Beizamako (Gipuzkoa) leku-izena.

Erdi Aroko izena. Iruñeko katedraleko artxiboan itxuraz Gorronzkoa (Nafarroa) zen 'Ego domina Leundia de Gorrauz' ageri da, 1141. urtean. Ikus Andrelendia, gorago.

Zuberoako herria eta Andre Mariaren adbokazioa.