zailtasun
1 iz. Erraza ez denaren nolakotasuna. Irakurgai bat zailtzat jotzen dugunean, gerta daiteke zailtasun horren hobena idazlearena ez izatea. Zaitegiren mintzaerak badu beti trinkotasun sendoaren ume den zailtasuna.
2 iz. Zaila edo gogorra denaren nolakotasuna. Lurrek alde handiak dituzte samur eta zailtasunean. Haritzaren zailtasuna. Gure lanaren zailtasuna arintzeko.
3 iz. Oztopoa, eragozpena. Alderdi guztietan dauzka hizkuntza idatziak zailtasunak. Horrelako neurriak martxan jartzeko zailtasunak daudela.
4 iz. fis. Material batek hautsi aurretik energia metatu eta deformazio plastikoa izateko gaitasuna. Tenperatura baxuetan egiten diren soldaduretarako, harikortasun-, zailtasun- eta erresilientzia-ezaugarri onenak elektrodo basikoek dituzte.