Datza eta dautza, forma biak, zuzenak dira. Etzan aditzaren forma trinkoak dira. Diferentzia da 3. pertsona singularraz ala 3. pertsona pluralaz ari garen. Ikusi hemen: Euskal Aditz Batua, 111. or.

Euskaltzaindiaren Hiztegiko adibideak dira hauek: Zertan datza bat-bateko bertsogintzaren erakargarritasuna? Bekatari guztiak, graziaren bizirik gabe, hilik dautza (*datzate). Lurpean lo dautza (*datzate) gure arbasoak. *datzate forma ez da arauzkoa.

Auzia erdarazko '¿En qué consiste(n) la(s) pregunta(s)?' (es) / 'En quoi consiste(nt) la/les question(s) ?' (fr.) formek eragindakoa baldin bada, irudizko erabilera horretan bi moldeak ondo daude: Zertan datza aldaketa? / Zertan dautza aldaketak?; Zertan datza euskara-plan hau? / Zertan dautza euskara-plan hauek?