Zuzenak al dira honako esaldi hauek?

1. Mila urte baino gehiagoan, euskaldunak balearen arrantzan aritu ziren.
2. Mila eta gehiago urtean, euskaldunak balearen arrantzan aritu ziren.
3. Mila urte eta gehiagoan, euskaldunak balearen arrantzan aritu ziren.

Irratian entzundako adibidea: Hiru kidetik bik jaso zituzten tratu txarrak.

Ez al da Hirutik bi kidek…? Zergatik? Zein da egokia?

Bi esaldi hauek 1. Nahi nuen bezain merkea da auto hau / 2. Nahi nuena bezain merkea da auto hau esanahi berekoak al dira? Ezezkotan, zer alde dago bien artean?

Zuzena al da berak izenordainaren erabilera bi esaldi hauetan?

Amak denok maite gaitu, eta berak maite gaituen bezala elkar maita dezagun nahi du.

Amak denok maite gaitu, eta berak bezala maitatu nahi nuke.

Euskara batuan erabiltzekoak dira norberaren eta norbere? Edo nor bere erabili behar da? Euskaltzaindiak arautua du norberaren deklinabidea?

Zuzenak al dira honako esaldi hauek?

Urten buruan horrek sagar asko jaten du.

Urteren buruan horrek sagar asko jaten du.

Urteen buruan horrek sagar asko jaten du.

“Bat bakarrik agertzen denean eta beste hitzaren agerraldi baten eraginpean dagoenean, gaur egun ere forma mugatuan gertatzen da, batez ere Hegoaldean, eta badirudi horrelakoak gomendatu behar direla euskara baturako (batarengan eta bestearengan, batari nahiz besteari...)” dio arauak.

NOR kasuan, agian, ez da hain arrotza gertatzen, baina beste kasuetan urrunegi doala iruditzen zaigu. Adibideak:

Batek (batak!) ostikoa eman dit eta besteak masailekoa.

Bati (batari!) ezetz esan diot eta baietz besteari.

Bi lagunen etxeetan izan naiz; batenean (batarenean!) hamaiketakoa egin dut eta bazkaria bestearenean.

Batekin (batarekin!) badakit zer egin, baina bestearekin ez.

Batengana (batarengana!) pozik joaten naiz, ez ordea bestearengana.

Bietatik zein erabili behar dugu: batez beste ala bataz beste?

3. pertsonari dagokionean berezkoa esaten den bezala, zuzena al da neurezkoa erabiltzea 1. pertsonan? Adibidez: Bertsolariak etorria berezkoa duen bezalaxe, nik hori neurezkoa dut.

Etziko/etzirako, geroko/gerorako, betiko/betirako, datorren urteko / datorren urterako bereiztearen aldeko iritziak azaldu dira, bi forma-sailak desberdinak direlakoan, eta biak ondo daudelakoan. Zuzenak al dira iritzi horiek?