2103 emaitza *:* bilaketarentzat [1351 - 1360]
Beheko suan tximiniatik dilindan dagoen katea. Ikusi laratz.
Toponimo ezaguna, besteak beste Nafarroako Pirinioetako Belagua gaineko leku-izena. Ikusi Larra.
Katalin Eleizegik 1916an Donostian aurkeztutako Garbiñe antzezlaneko pertsonaia baten izena da. Izen arrunta eta toponimoa ere bada. Ikusi larrain.
Zuberoako herria. Ikusi Larraine.
Andre Mariaren ermita, Larrunarri edo Txindoki mendiaren mazelean, Abaltzisketan (Gipuzkoa). Aralarko artzainek debozio handia izan diote.
Andre Mariaren antzinako ermita, Dulantzin (Araba). Hiribildua sortzean desagertutako Larrara herriko eliza zen.
Andre Mariaren antzinako ermita, Artiedakoa (Nafarroa), herriaren aldamenean zegoena. Jai eguna abuztuaren 4an zen. Izen hau larre-ren eratorria da, eta alhapidetako baliatzen den lur landugabea adiera ohi du.
Andre Mariaren bi adbokazio daude izen honekin, bat Mungian (Bizkaia) eta bestea Bernedon (Araba). Mungiako Larrauri auzoko Ama Birjinaren elizak XVI. mendean lortu zuen herritik banatu eta parrokia izatea. Andre Mariak eskuan duen zepoak kristau gatibuak irudikatzen ditu. Bernedoko ermita, Urarte auzoan dagoena, Larrauri herri hustuko eliza zen. Atea XVIII. mendekoa izan arren ermita erromanikoa da, Erdi Aroko herri tenplu baten eredu ederra. Jaia irailean egiten da.
Uribarri Arana (Araba) herriko Andre Mariaren ermita. Gaur egun erdaraz Andramari deitzen badute ere, XVII. mendean, bertako hizkuntza euskara zenean, Nuestra Señora del Prado moduan agertzen da, euskararen baztertze ofizialaren lekuko. 1850ean, berriz, Bengolarrea izenpean ageri da. Eliza eta Ama Birjinaren irudia erromanikoak dira, XII. mendekoak edo. Barruan badago erromatarren garaiko hilarria. Jaia abuztuaren 15ean da.
Andre Mariaren ermita, Mendotzakoa (Araba), XIX. mendean lekutu zena. Izenaren osagaiak larrin 'larraina' eta zar 'zaharra' dira.
Corpus onomastiko honetan, hirugarrenen lanen edukiak sartu dira, arloan ospea eta gaitasuna dutelako. Ondorio horretarako, behar diren baimenak eta lizentziak eskatu ditu Euskaltzaindiak, eta, horrenbestez, behar diren jabetza intelektualeko eskubideak eskuratu, oker edo hutsik ezean. Edukiren batek hirugarrenen eskubideak hausten dituela uste baduzu, eman iezaiozu berehala horren berri Euskaltzaindiari (honako helbide elektroniko honetara idatziz: info@euskaltzaindia.eus), beharrezko neurriak berehala har daitezen.