Pertsona-izenak

- Laguntza

*: Hizki bat edo gehiago ordezkatzeko
(mendi*, aba*za, *mendi)

?: Hizki bakarra ordezkatzeko
(oihan?, e?titxu, ?adriano)

EODA - Bilaketa

2103 emaitza *:* bilaketarentzat [1601 - 1610]

Mikeldi (gizonezkoa)

  • Bilboko Museo Historikoan gorderik dagoen Durangaldeko idolo (bertan irodu deitua) ospetsuaren izena. Burdin Aroko zezen edo hartza da, hanka artean eguzkia eta ilargia dauzkana.

Mikele (emakumezkoa)

  • Micaela (es), Michèlle (fr)

  • Deun-ixendegi euzkotarra (Arana eta Eleizalde, 1910) lanean gaztelaniazko Miguel-en baliokide femeninotzat ematen da, eta azken urteotan horrelaxe erabili da, baina XVII. mende arte gutxienez gizon izena zen. Lehen aldiz XIII. mendean aurkitu dugu, Iruñerrian (Miquele Iturriquo). Ikus Mikela.

Mikele (gizonezkoa)

  • Miguel (es), Michel (fr)

Mikeleitza (emakumezkoa)

  • Mikelitzaren aldaera da hau. Oñatin (Gipuzkoa) agertzen da lehen aldiz, 1489an (Miqueleiza).

Mikelitza (emakumezkoa)

  • Honen osagaiak Mikel(e) gizon izena, -(e)(i)tz atzizki patronimikoa eta genero femeninoa adierazten duen -aa bukaera dira. 1581. urtean Miqueliza de Zañartu dokumentatzen da Oñatin (Gipuzkoa). Aldaera: Mikeleitza. Ikus Mikela.

Milia (emakumezkoa)

  • Erdi Aroan maizxko aurkitzen dugun izena. 1285ean Milia de Beunça azaltzen da Iruñean. Aldaerak: Emilia, Emili eta Emille (Deun-ixendegi euzkotarra). Garibaik XVI. mendean bildutako eresian ageri da:

    Lasturrera behar dozu, Milia
    aita jaunak eresten dau elia
    ama andreak apaiketan hobia
    hara behar dozu, Milia.

Milian (gizonezkoa)

  • Emiliano (es), Émilien (fr)

  • Latineko Aemilianus ('Aemilia leinukoa') hitzetik. Kukullako Done Miliaga monasterioan (Errioxa) bizi izan zen V-VI. mendeetan. Haren bizitza eta mirariak Gonzalo de Berceok idatzi zituen. Kondairak dioenez, Simancasko guduan kristauen alde agertu zen, Done Jakue bezala edo erromatarren garaian Kastor eta Polux bezala. Gogoratu beharra da monasterio horretako Donemiliagako Glosak deitu ohi direnetan azaltzen direla euskararen eta gaztelaniaren lehendabiziko lekukotasun idatziak. Santuaren eguna azaroaren 2an da. Aldaerak: Emiliano eta Emillen (Deun-ixendegi euzkotarra).

Mirari (emakumezkoa)

  • Milagros (es)

  • Mirari izen arrunta da euskaraz, mirakuluren adierakidea, eta azken urteotan arrakasta handia izan du antroponimotzat. Deun-ixendegi euzkotarra (Arana eta Eleizalde, 1910) lanean gaur egun ezezaguna den Milarge proposatzen da (Nuestra Señora de los) Milagros-en baliokidetzat, eta orain maiz erabiltzen den Alazne (alatz 'miraria' neologismoaren gain moldatua) Milagroren adierakidetzat. Ikus Alazne.

Miren (emakumezkoa)

  • María (es), Marie (fr)

  • Deun-ixendegi euzkotarra (Arana eta Eleizalde, 1910) lanean agertzen diren emakume izenetan arrakasta gehien izan duenetako bat da hau. Aipatu liburuaren hitzaurrean esaten denez Miren izena ez da -e-z bukatzen, baina horrela utzi behar da, 'Ama Birkiñaren ixena dalako'. Ikus Maria.

Mirena (gizonezkoa)

  • Deun-ixendegi euzkotarra (Arana eta Eleizalde, 1910) lanean proposatutako gizon izena. Ikus Maria femeninoen zerrendan.

Orrialde guztiak:

Egoitza

  • B
  • BIZKAIA
  • Plaza Barria, 15.
    48005 BILBO
  • +34 944 15 81 55
  • info@euskaltzaindia.eus

Ikerketa Zentroa

  • V
  • LUIS VILLASANTE
  • Tolare baserria. Almortza bidea, 6.
    20018 DONOSTIA
  • +34 943 42 80 50
  • donostiaordez@euskaltzaindia.eus

Ordezkaritzak

  • A
  • ARABA
  • Gaztelako atea, 54
    01007 GASTEIZ
  • +34 945 23 36 48
  • gasteizordez@euskaltzaindia.eus
  • G
  • GIPUZKOA
  • Tolare baserria. Almortza bidea, 6
    20018 DONOSTIA
  • +34 943 42 80 50
  • donostiaordez@euskaltzaindia.eus
  • N
  • NAFARROA
  • Oliveto Kondea, 2, 2. solairua
    31002 IRUÑEA
  • +34 948 22 34 71
  • nafarroaordez@euskaltzaindia.eus

Elkartea

  • I
  • IPAR EUSKAL HERRIA
  • Gaztelu Berria. 15, Paul Bert plaza.
    64100 BAIONA
  • +33 (0)559 25 64 26
  • +33 (0)559 59 45 59
  • baionaordez@euskaltzaindia.eus
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper