Pertsona-izenak

Erdi Aroan maiz aurkitzen dugu. Arabako mendebaldean antroponimorik erabilienetako bat izan zen X-XII. mendeetan, eta Bizkaian ere agertzen da dokumentaziorik zaharrenean. Nafarroan Munio Berascoiz dugu 1033. urtean.

Abadiñoko (Bizkaia) Andre Mariaren ermita, Muntsaratz dorretxearen ondokoa. Aski arrunta izan da Ama Birjinaren ermitak dorreei datxezkielarik egotea. Barruan badira latinezko idazkunak dituzten bi hilarri, eta horietako batean Jauninco hitza agertzen da. Jaia irailaren 8an eta hurrengo igandean da.

Ikus Monoza.

Zuiako (Araba) herria eta Andre Mariaren eliza.

Busturiko (Bizkaia) Andre Mariaren ermita, gaur egun desagertua. Elizaren aurreko zelaian zegoen.

Murugarren hiribilduko Andre Mariaren eliza ermita bihurtu zen Garesek (Nafarroa) hura barrendu zuenean. Deierrin (Nafarroa) ere bada Murugarren herria.

Tirgo (Errioxa) herriko Andre Mariaren adbokazioa eta Nafarroako herria.

Ataungo (Gipuzkoa) dermioa. Bertan ereiten omen zuten garia basajaunek. Gizakumeek ez omen zekiten ez laborea nondik lortu ez eta nola landu ere, Sanmartintxiki Muskiara joan eta gari ale batzuk eta lantzeko sekretua lapurtu zizkien arte.

Otsagabiko (Nafarroa) Andre Mariaren ermita. Arrunt eraikuntza ederra da, erromanikoa, irudia bezala. Hau unai batek aurkitu omen zuen mendian. Herrikoek, ebatsi zuela uste baitzuten, kartzelara eraman omen zuten unaia eta elizara irudia, baina gauez biak mendira, Muskildara, itzultzen omen ziren. Hau ikusita, herritarrek santutegia aurkikundearen lekuan eraikitzea erabaki zuten. Santuaren eguna irailaren 7an eta 8an da.

Erdi Aroko Amusko izenaren aldaera. Beharbada Muskitz (Nafarroa) eta Muskiz (Bizkaia) toponimoen oinarrian dagoke. XIV. mendean Aurizperrin (Nafarroa), Larragan (Nafarroa) eta Mirandan (Nafarroa) agertzen zaigu.