Pertsona-izenak

Fernando Aire (Urepel, 1920 - 1976) bertsolariaren goitizena. Xalbadorrenea sortetxetik hartu zuen, Euskal Herrian ohi den gisan. Bere ohorez Xabier Lete olerkariak hau idatzi zuen:

Adiskide bat bazen
orotan bihotz bera
poesiaren hegoek
sentimentuzko bertsoek
antza aldatzen zutena.

Bizkaiko herria eta Markina hiribilduko patroia den Andre Mariaren adbokazioa. Hiribilduari emandako hirigutunean Xemeingain eliza agertzen da. Markina izan zen Bizkaian Sortzez Garbiaren dogma onartu zuen lehenengo herria. Abenduaren 8an, jaiegunean, udaletxeko batzar gelan dagoen irudiari argiak jartzeko ohitura izan da.

J.F. Petrirena (Errenteria, 1835 - 1869) bertsolariaren ezizena, sortetxearen izenetik heldu zaiona (Senperelarre, 1860an). Gazterik hil bazen ere eragin handia izan zuen, eta berak jarritako bertsoek jendearen gogoan eta ahotan diraute oraindik. Ogibidez fabrika bateko langileburua zen eta aginduak bertsotan ematen zituen, zenbaitetan bederik.

Ikus Semena.

Erromatarren garaiko (I-III m.) teonimoa (Xuban deo), Akitaniako idazkunetan azaltzen dena. Arbas (Frantzia) herriko harlandu batean kausitu zuten, XIX. mendean.

Ikus Zuberoa.

Erdi Aroko izena. Ikus Jurdana eta Mariajurdana.

Erdi Aroko izena, Txurioren aldaera eta oraingo Jurío deituraren sorburua. 1489an Oñatin (Gipuzkoa) agertzen da.

Arreo herriko Andre Mariaren ermita, Erriberagoitian (Araba). Antzina lakuaren tokian ba omen zen benta bat, baina behin Andre Maria eta Jesus eskale jantzita joan omen ziren hara, eta, erremusina ukatu zietenez, urak etxea irentsi omen zuen. Uztailaren bian irudi erromanikoa Biloriako elizara eramaten zen, bertako Santa Ana ordezkatzeko.