2103 emaitza *:* bilaketarentzat [461 - 470]
Baltasar (es), Balthazar (fr)
Santu-ixendegi euzkotarra lanean Baltasaren euskal aldaera gisa ageri da. Asiriar jatorria du (Belshazzar "Baal jainkoak babes beza erregea") eta latinez Baltasar bilakatu zen. Tradizioaren arabera, Baltasar Jesus jaioberria gurtzera Betleemera joan zen erregeetako bat izan zen. Lehen aldiz VI. mendeko Ravenako (Italia) San Apollinaire Nuovon ageri da. Hasieran gizon heldua irudikitzen bazuen ere, XV. mendetik aurrera Afrikako biztanleen ordezkari moduan azaltzen da. Aldaera: Baltasar.
Valentín (es), Valentin (fr)
Santu-ixendegi euzkotarra lanean Valentínentzat proposaturiko kidea. Ikus Valentin.
Valentina (es), Valentine (fr)
Deun-ixendegi euzkotarra (Arana eta Eleizalde, 1910) lanean proposatutako izena. Ikus Balentina.
Valeriana (es), Valériane (fr)
Ikus Balerene.
Valentín (es), Valentin (fr)
Latineko Valentinusetik dator eta hau valens 'ausarta'-tik. Lehenago erabiltzen ez zen kristau izena da, zuen esanahi mistikoari esker zabaldu zena. San Valentin martiriaren egunean maiteminduen jaia ospatzen da orain, baina honek ez du inolako tradiziorik, eta merkataritza arrazoi hutsengatik egiten da.
Bizkaiko patroietako bat den Balentin Berriotxoa santuaren eguna uztailaren 4an da. Aldaerak: Valentin, santu izendegietan ohikoa, eta pertsona izena den Balendin.
Valentina (es), Valentine (fr)
Latineko Valentinus-etik dator eta hau valens 'ausarta'-tik. Lehenago erabiltzen ez zen kristau izena da, zuen esanahi mistikoari esker zabaldua. Santa Balentina IV. mendean martirizatu zuten, Gazan (Palestina). Izen hau du espaziora irten zen lehendabiziko emakumeak, Valentina N. Tereshkova errusiar astronautak. Jaieguna uztailaren 25ean da. Aldaera: Balendiñe (Deun-ixendegi euzkotarra).
Valeria (es), Valérie (fr)
Gens baten izena zen latineko Valeriarentzat Deun-ixendegi euzkotarra (Arana eta Eleizalde, 1910) lanean proposaturiko kidea. Honela deitzen zen I. mendeko santa bat, San Vidalen emazte eta Gervasio eta Protasio santuen ama izan zena, bai eta IV. mendeko Erromako printzesa bat ere. Santuaren eguna apirilaren 28an da.
Valeriana (es), Valériane (fr)
Deun-ixendegi euzkotarra (Arana eta Eleizalde, 1910) lanean latineko Valerianarentzat proposaturiko baliokidea. Latineko izen hori Valerius 'osasuntsu' hitzetik edo Valeria leinu izenetik dator. Honen aldaera den Balene jendeak egindako laburtzea da.
Erdi Aroko euskal izena, Iruñean XIV. mendean ageri den Falconekin hertsiki loturik dagoena. 1105ean Balcoe de la Torlegi azaltzen da Iruñeko katedraleko artxiboan. Ikus Belatz.
Erdi Aroko euskal izena. 1353an Baltza izeneko batek sinatu zuen bakea abendañotarrekin, Bilbon.
Corpus onomastiko honetan, hirugarrenen lanen edukiak sartu dira, arloan ospea eta gaitasuna dutelako. Ondorio horretarako, behar diren baimenak eta lizentziak eskatu ditu Euskaltzaindiak, eta, horrenbestez, behar diren jabetza intelektualeko eskubideak eskuratu, oker edo hutsik ezean. Edukiren batek hirugarrenen eskubideak hausten dituela uste baduzu, eman iezaiozu berehala horren berri Euskaltzaindiari (honako helbide elektroniko honetara idatziz: info@euskaltzaindia.eus), beharrezko neurriak berehala har daitezen.