Pertsona-izenak

Deun-ixendegi euzkotarra (Arana eta Eleizalde, 1910) lanean gaztelaniazko Vicencioren baliokidetzat proposatzen den izena.

Víctor (es), Victor (fr)

Latineko Victor izenetik dator, eta hau vincere 'garaitu, irabazi' aditzetik ateratako victor 'garaitzailea'-tik. Erroman goitizen eta epitetotzat erabiltzen zen idazkunetan, Iuppiter victor 'Jupiter garailea'-ren modukoetan. Bere esanahi mistikoa zela bide asko erabili zen lehendabiziko kristauen artean. Santuaren eguna urtarrilaren 22an da. Aldaerak: Bittor eta Viktor, santu izendegietan ohikoa.

Donemiliaga udalerriko herria (Araba) eta Andre Mariaren eliza. Jaia abuztuaren 15ean da.

Deun-ixendegi euzkotarra (Arana eta Eleizalde, 1910) lanean gaztelaniazko Circuncisiónen baliokidetzat proposaturiko izenetako bat dugu hau; bestea Billebañe da. Ekintza honen bidez juduek Jainkoarekiko hitzarmena ospatzen zuten.

Indalezio Bizkarrondo (Donostia, 1831-1876) bertsolari eta olerkariaren izengoitia. Bere lanetan baserri girotik urrunduta mundu erromantikoa landu zuen, baina umoretsu, tragedian erori gabe. Honen lanik ezagunenak Behin batean Loiolan eta Kontzezirentzat izenekoak dira:
Beiñ batian Loiola'n
erromeriya zan,
antxen ikusi nuben
neskatxa bat plazan;
txoriya bañan ere
ariñago dantzan,
uraxen bai pollita,
an pollitik bazan!

Erdi Aroko euskal izena. Adibidez Utergan (Nafarroa) ageri da, 1235. urtean. Aurubilitu konposatuan ere aurkitzen dugu, Aururen aldamenean.

Lanako herria (Nafarroa). Ikusi Biloria.

Vicente (es), Vincent (fr)

Deun-ixendegi euzkotarra (Arana eta Eleizalde, 1910) lanean proposaturiko izena. Ikus Bikendi.

Vicenta (es)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Bizenta.

Andre Mariaren ermita eta irudi erromanikoa, Kexon (Araba).