2103 emaitza *:* bilaketarentzat [811 - 820]
Eugenio (es), Eugène (fr)
Grekoko Eughenios 'jaiotza onekoa' -Eughenius latinez- izenetik. Toledoko (Espainia) San Eugenio hiri honetako lehen apezpikua izan bide zen. Eukeni izen arrakastatsua Deun-ixendegi euzkotarra (Arana eta Eleizalde, 1910) lanean ageri da. Geroago izen honetatik sortu zen Euken. Santuaren eguna martxoaren 4an da.
Eulalia (es), Eulalie (fr)
Deun-ixendegi euzkotarra (Arana eta Eleizalde, 1910) lanean gaztelaniazko Eulalia izenarentzat proposaturiko baliokidea. Ikus Olaia.
Eulalia (es), Eulalie (fr)
Ikus Olaia.
Eulatz edo Eurlatz Nafarroako Aralarko aurkintza baten izena da.
Deun-ixendegi euzkotarra (Arana eta Eleizalde, 1910) lanean gaztelaniazko Eulogioren baliokidetzat ematen da. Jatorria grezierako Eulogios izenean du. Honen esanahia aldatu egin zen, eta 'ongi mintzo dena' adieraztetik 'bedeinkatua' adieraztera igaro zen kristauen artean. San Eulogio IX. mendean bizi izan zen Iberiar penintsulan. Santuaren eguna urtarrilaren 9an da. Ikus Eusebi.
Barañaingo jaurerria (Nafarroa). Ikusi Eultza.
Muruzabal (Nafarroa) herriko Andre Mariaren ermita. Nafarroako ermitarik ezagunen eta ederrenetakoa da Eunatekoa. Nabarmentzekoa da bere egitura, karratua izan beharrean elizpeak itxitako oktogonoa baita. Donejakue bidean dagoenez gero, antzina erromesen ospitalea egon zen ondoko komentuan. Kondairak dioenez, Tenpleko Zaldunek sortu zuten monasterioa eta horregatik du horrelako planta, egitura biribilak, edo oktogonalak bestela, Jainkoa irudikatzen baitu. Izenaren jatorria dela-eta, Jimeno Juriok elizpeari erreferentzia egiten dion ehun ate azalpena baztertu beharrekoa dela frogatu du.
Ezkabarte ibarreko herria (Nafarroa). Ikusi Eusa.
Deun-ixendegi euzkotarra (Arana eta Eleizalde, 1910) lanean Eusebiorentzat proposatutako baliokidea. Ikus Eusebio. Gaur egun, Hegoaldean, gaztelaniaz -io (gizona) / -ia (emaztekia) bukaera duten izenek euskaraz -io / -i izan ohi dute, eta, horregatik, Euxebio gizon izena da, Euxabi emakume izentzat hartzen den bitartean. Beste horrenbeste gertatzen da, adibidez, Euxtakio / Euxtaki parearekin.
Eustaquia (es)
Deun-ixendegi euzkotarra (Arana eta Eleizalde, 1910) lanean gaztelaniazko Eustaquioren baliokide femeninotzat ematen den izena. Ikus Eustakia.
Corpus onomastiko honetan, hirugarrenen lanen edukiak sartu dira, arloan ospea eta gaitasuna dutelako. Ondorio horretarako, behar diren baimenak eta lizentziak eskatu ditu Euskaltzaindiak, eta, horrenbestez, behar diren jabetza intelektualeko eskubideak eskuratu, oker edo hutsik ezean. Edukiren batek hirugarrenen eskubideak hausten dituela uste baduzu, eman iezaiozu berehala horren berri Euskaltzaindiari (honako helbide elektroniko honetara idatziz: info@euskaltzaindia.eus), beharrezko neurriak berehala har daitezen.