EODA osoa

Simona (es), Simone (fr)

Deun-ixendegi euzkotarra (Arana eta Eleizalde, 1910) lanean proposatzen da, gaztelaniazko Simón eta Simeón izenen baliokide femeninotzat. Jatorria hebreerako Shime'ôn-en du. Simon izeneko bi santu nagusi egon dira: Simon apostolua eta Simon 'estilita'. Bigarren hau Sirian bizi eta Sirian hil zen aszeta dugu. Goitizena zutabe -stylos grekoz- baten gainean 30 urte eman zituelako jarri zioten. Harriaren inguruan kristau munduko elizarik garrantzitsuenetakoa egon zen, XII. mendean musulmanen esku erori zen arte. Eliza haren hondakinak gizadiaren ondare izendatuak izan dira. Santuaren eguna otsailaren 1ean da.

Sofía (es), Sophie (fr)

Ekialdeko Europan asko erabili den grezierako Sophia 'jakintza' izenetik dator. II. mendeko Santa Sofiak bere alaba martiriei hiru bertute teologalen izenak jarri zizkien: Fedea, Itxaropena eta Karitatea. Santuaren eguna apirilaren 30ean da.

Ikus Zoihartze.

Socorro (es)

Urruña (Lapurdi) herriko Andre Mariaren kapera. Ikus Laguntza.

Ikus Ezozia.

Ezkabarteko (Nafarroa) herria eta Done Martieren elizan dagoen Andre Maria. Badaiteke irudi zuri eder hau 1333. urte inguruan Parisen egina izatea.

Concepción (es)

Egutegi Bizkaittarra (Arana, 1897) lanean ageri den izena. Andre Mariaren adbokazio hau VII. mendean hasi zen ospatzen Bizantzion, baina 1310 arte ez zen festatzat finkatu. 1854an Eliza Katolikoak Andre Maria sortzez bekatugabea zela jarri zuen dogmatzat. Santuaren eguna abenduaren 8an da. Aldaerak: Izorne, Izortza, Izortze, Kontzeziona, Orbange, Sorkunde eta Sorne (Deun-ixendegi euzkotarra).

Concepción (es)

Deun-ixendegi euzkotarra (Arana eta Eleizalde, 1910) lanean gaztelaniazko Concepción izenarentzat ematen den baliokidea. Ikus Sorkunde.