Eibarko (Gipuzkoa) Andre Maria, hiri honetako eta Elgoibarko zaindaria dena. Kondairak dioenez, santutegia okerreko lekuan eraikitzen hasi omen ziren, eta eraikigaiak gauez lekuz aldatzen omen ziren, hura Ama Birjinak nahi zuen tokian egin zuten arte. Lehenengo aipamen idatzia 1498ko da. 1563an jaia irailaren 8an ospatzeko baimena eskatu zuten, abenduan egitea neketsua zelako. Inguru hauetan haurrak Arratetik datozela esaten da eta goian dagoen gurutzeari hiru itzuli egin ohi zaizkio, ezkontidea eskatzeko. Gerran miliziano talde batek Eibarko komentu batera eraman zuen Andre Maria, babesteko. Irudia XIV. mendekoa da.

Arrateko zelaiko
bai floridadea
andixek gora dago
zerura bidea.

Andre Mariaren ermita, Olorizkoa (Nafarroa), izen bereko herrixkako eliza zena. Arrazubi XX. mendearen hastapenean hustu zen. Eraikuntza erromanikoa da eta kanpoaldean hilobi ikusgarria du. Irudia Soltxagako (Nafarroa) elizan dago.

Oración (es), Rosario (es)

Gaztelaniazko Oración edo Rosario izenaren ordaina Edurne edo Ikerne izenen analogiaz sortua. Osagaiak arren 'otoi, mesedez' eta Sabin Aranak sortutako -(n)e amaiera dira.

Ikus Yera.

Gasteizko behialako herrixka, hiriak bereganatutako lehenetakoa (1258), eta Andre Mariaren adbokazioa. Lakua deritzon zelaian egiten zituen batzarrak Arriagako kofradiak, Done Joanesen elizan. Bertan hautatzen ziren Arabako alkate nagusiak, epaile lanak egin behar zituztenak. Done Joanes egunean Andre Mariaren irudia prozesioan ateratzen zuten.

Andre Mariaren bi adbokazio daude izen honekin, bat Artzibarren (Nafarroa) eta bestea Iruraiz-Gaunan (Araba), Arrieta derizten herrietan. Arabakoa Santa Maria Magdalenaren elizako aldare nagusian dago, eta Nafarroakoa Done Laurendiren elizan.

Etxauribarko Arraitza (Nafarroa) herrian, Endezelaia mendian dagoen Andre Mariaren ermita. Izena aurrez aurre duen Sarbil haitzetik datorkio. Sukarretik eta gaixotasunetatik babesteko eskatu ohi zitzaion. Jaia egiten denean, maiatzaren 15ean, irudia Otazura (Nafarroa) jaisten dute.

Amaritako (Araba) Andre Mariaren ermita, egun Trinioste edo Amaritarana izenez ezagutzen den aurkintzan zegoena, Erretanako tren geltoki zaharraren ondoan. Andre Mariaren ermita honek berebiziko garrantzia izan zuen XVI-XVIII. mendeetan, baina 1825ean erortzeko zorian zegoela-eta meza ematea debekatu zuten. Izentzat Arluzea aldaera laburtua ere erabili izan da.

Andre Mariaren ermita, Zumaian (Gipuzkoa), eta 1620tik aurrera herriko zaindaria. Antza denez, ermita hau antzinako parrokia da. Lehendabiziko aipamena 1292koa da, Gaztelako Antso erregeak Orreagako (Nafarroa) monasterioari eman zionekoa. Kondairak dioenez, Ama Birjina harri artean agertu zen, eta horri zor bide zaio izena. Hala ere, Mitxelenak J. B. Olaetxearen eta L. Murugarrenen lanetan oinarriturik argitu zuenez, antzinako izena Arridokieta zen -Isastiren Compendio-n ikus daiteke aldaera hau, grafiak grafia-, hots, harri, idoki 'atera, aterea' eta -eta dira osagaiak ('harri aterea(k), ilkia(k) dagoen / dauden tokia'), eta, beraz, toponimoak ez du toki-rekin zerikusirik. Julene Azpeitia (Zumaia, 1888-1980) idazle eta ohorezko euskaltzainak izen hau erabili zuen goitizentzat. Hipokoristikoa edo lagun arteko aldaera Arritxu da.

Arritokieta izenaren ohiko izen ttipia.