Isabel (es), Élisabeth (fr), Isabelle (fr), Elizabeth (en)

Itun Zaharrean Elixaba moduan agertzen da, baina Itun Berrian Elisábet bihurtua aurkitzen dugu Done Joanes Bataiatzailearen amaren izena. Gaztelaniaz El lehen osagaia ('Jainkoa' hebreeraz) galdu egin zen, artikuluarekin nahasi baitzen. Santuaren eguna azaroaren 5ean da (Zumarragan uztailaren 2an). Aldaera asko izan ditu, baina erabilienak Isabel eta Elixabete (Deun-ixendegi euzkotarra) dira.

• 66. araua: Santutegiko izen ohikoenak (2019)
• 177. araua: Antzinateko pertsona-izenak eta izen mitologikoak III, Bibliakoak (2014)
• 125. araua: San, santu, done eta besteren erabilera (2003)

Erdi Aroan Europa osoan erabili zen izena. Honela deitu zen XIV. mendeko Aragoiko erregina bat.

Elisenaren aldaera Edurne, Jone, Josuneren tankerako izenen analogiaz sortua. Elisena zen Amadis de Gaularen ama izen bera duen eleberrian.

Eliseo (es), Elisée (fr), Elisha (en), Eliseus (en)

Hebreerako jatorria duen izen honetan El 'jainkoa' eta ish 'lagundu' batzen dira. Eliseo Itun Zaharreko profetetako bat izan zen, Eliasen ondorengoa. Mirari franko egin zituen eta buru-belarri jardun zuen Baal jainkoaren jarraitzaileen kontra, hauek erabat desagerrarazi arte. Santuaren eguna ekainaren 14an da. Aldaera: Elixi.

• 177. araua: Antzinateko pertsona-izenak eta izen mitologikoak III, Bibliakoak (2014)

Isabel (es), Elisabeth (fr), Isabelle (fr)

Deun-ixendegi euzkotarra (Arana eta Eleizalde, 1910) lanean gaztelaniazko Isabelen kidetako ematen den izena. Ikus Elisabet.

Elisa (es)

XX. mendean sorturiko Elisaren baliokidea. Osagaiak Elisaren hipokoristikoa den Elixa eta -ne atzizki femenino berria dira. Ikus Elisa.

Gaztelaniazko Eliseoren baliokide femeninotzat Deun-ixendegi euzkotarra (Arana eta Eleizalde, 1910) lanean proposatzen den izena. Eliseo K. a. IX. mendeko profeta izan zen.

Eliseo (es), Elisée (fr)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Eliseo.

Angiozar auzoko Andre Mariaren ermita, Bergaran (Gipuzkoa). Aita Lizarralderen ustez, irudia, non Ama Birjina bularra ematen ari baitzaio Jesus haurrari, Gipuzkoako baliotsuenetakoa da. Santuaren eguna martxoaren 25ean da.